web counter
LEXO PA REKLAMA!

SHKARKO APP

App Store
Google Play

E fundit!

x

Zbardhen 8 raste vjedhjeje në Tiranë/ Arrestohet autori 22-vjeçar

29 Nëntor 2025, 11:22, Kronika CNA

Zbardhen 8 raste vjedhjeje në Tiranë/ Arrestohet autori

Një 22-vjeçar ka rënë në prangat e policisë pasi dyshohet se është autor i 8 vjedhjeve të ndodhura muajin e fundit në kryeqytet.

E.P., është autor i vjedhjes së 6 biçikletave, 1 monopatinë gjatë muajit maj dhe nëntor, të cilat shiteshin nga ana e këtij shtetasi në zona të ndryshme të Tiranës dhe të 1 dyqani.

Njoftimi i Policisë:

Vijojnë operacionet e njëpasnjëshme për goditjen e veprimtarisë kriminale të përsëritur në fushën e vjedhjes së pronës dhe pasurisë.

Zbardhen dhe dokumentohen 8 raste të vjedhjes, të kryera, kryesisht gjatë muajit të fundit, vihet në pranga 22-vjeçari, si autori i dyshuar.

22-vjeçari i dënuar më parë për të njëjtën veprimtari.

Shërbimet e Komisariatit të Policisë Nr. 4 në bashkëpunim me Komisariatin e Policisë Nr. 2, në vijim të punës për parandalimin e vjedhjeve, zbardhjen e atyre të ndodhura më parë dhe vënien e autorëve përpara përgjegjësisë ligjore, pas një pune të mirëfilltë hetimore, identifikuan dhe vunë në pranga shtetasin:

-E. P., 22 vjeç, banues në Tiranë.

Nga veprimet hetimore dyshohet se ky shtetas është autor i vjedhjes së 6 biçikletave, 1 monopatinë gjatë muajit maj dhe nëntor, të cilat shiteshin nga ana e këtij shtetasi në zona të ndryshme të Tiranës dhe të 1 dyqani.

Vijon puna për dokumentimin e vjedhjeve të tjera që mund të jenë kryer nga ky shtetas.

Materialet i kaluan Prokurorisë, për veprime të mëtejshme procedurale./CNA





Lajmet e fundit nga