web counter
LEXO PA REKLAMA!

SHKARKO APP

App Store
Google Play

Gjendet i djegur një automjet në fshatin Mirakë/ Dyshohet se u përdor nga autorët e atentatit në Elbasan

1 Dhjetor 2025, 10:19, Kronika CNA

Gjendet i djegur një automjet në fshatin Mirakë/ Dyshohet se u

Një automjet që dyshohet se është përdorur nga autorët e ekzekutimit të biznesmenit në Elbasan, është gjetur i djegur në fshatin Mirakë.

Mbrëmjen e djeshme, një biznesmen u ekzekutua pranë një pike karburanti në lagjen “Emin Matraxhiu”. 43-vjeçari E.M., u qëllua brenda në automjetin e tij me dy plumba në kokë.

Njoftimi i policisë: 

Elbasan/Informacion shtesë

Në vijim të kontrolleve dhe të veprimeve hetimore që po kryhen nga grupi i posaçëm hetimor, në drejtimin e Prokurorisë, me qëllim zbardhjen e rrethanave të ngjarjes së ndodhur mbrëmë, ku mbeti i vrarë shtetasi M. M., alias E. H., 43 vjeç, ditën e sotme u konstatua në fshatin Mirakë, automjeti tip "Audi", i djegur, i cili dyshohet se është përdorur nga autorët e kësaj ngjarjeje.

Grupi hetimor, në drejtimin e Prokurorisë, vijon punën për zbardhjen e rrethanave të ngjarjes dhe sigurimin e çdo prove që do të çojë në identifikimin dhe kapjen e autorëve.

Për kapjen e autorëve, ende të paidentifikuar, raportohet se policia ka ngritur se 4 postblloqe në Korçë, Pogradec e Devoll.

Ndërkohë bëhet me dije se disa persona janë shoqëruar në komisariat dhe po merren në pyetje për ngjarjen. Gjithashtu janë sekuestruar edhe pamjet e kamerave të sigurisë të bizneseve pranë vendit ku ndodhi ekzekutimi. /CNA





Lajmet e fundit nga