web counter
LEXO PA REKLAMA!

SHKARKO APP

App Store
Google Play

Dhunoi babain e tij dhe u arratis / Arrestohet 29-vjeçari, i gjendet kanabis në banesën ku fshihej

30 Nëntor 2025, 11:25, Kronika CNA

Dhunoi babain e tij dhe u arratis / Arrestohet 29-vjeçari, i gjendet

Një 29-vjeçar është arrestuar në Laç, pasi akuzohet se ka dhunuar babain e tij. Në pranaga është vënë shtetasi R. Gj., i dënuar edhe më parë për dhunë në familje.

Sipas informacioneve policore, 29-vjeçari pasi ka dhunuar babain e tij është larguar nga banesa dhe është fshehur në Lezhë. Gjatë kontrollit në banesën ku ky shtetas fshihej, në fshatin Zejmen të Lezhës, policia ka gjetur dhe sekuestruar në cilësinë e provës materiale, 105 gramë kanabis.

Njoftimi i policisë:

Kurbin/Lezhë – Finalizohet operacioni policor i koduar “Violent”.

Dhunoi babain dhe u largua nga banesa; kapet dhe vihet në pranga 29-vjeçari, i dënuar më parë për dhunë në familje.

29-vjeçarit iu gjet në banesë një sasi prej 105 gramësh kanabis.

Shërbimet e Komisariatit të Policisë Kurbin, pas njoftimit të marrë për një rast dhune në familje në qytetin e Laçit, menjëherë shkuan në adresën e dhënë dhe nisën veprimet e para hetimore.

Nga veprimet e para hetimore rezultoi se shtetasi R. Gj., 29 vjeç, kishte ushtruar dhunë fizike ndaj babait të tij, K. Gj., 66 vjeç, dhe ishte larguar nga banesa.

Nisur nga veprimet e dhunshme dhe rrezikshmëria që paraqiste ky shtetas, u kërkua ndihma e Forcës Kombëtare të Sigurisë për kapjen e tij.

Bazuar në informacionet e siguruara në rrugë operative, shërbimet e Komisariatit të Policisë Kurbin, në bashkëpunim me Forcat Kombëtare të Sigurisë, Njësia Tiranë, pas disa orësh kërkimesh të pandërprera, në kuadër të operacionit policor të koduar “Violent”, lokalizuan, kapën dhe vunë në pranga shtetasin R. Gj., 29 vjeç, banues në Laç, Kurbin, i dënuar më parë për dhunë në familje.

Gjatë kontrollit në banesën ku ky shtetas fshihej, në Zejmen, Lezhë, shërbimet e Policisë gjetën dhe sekuestruan në cilësinë e provës materiale një sasi lënde narkotike, të dyshuar kanabis, rreth 105 gramë.

Materialet procedurale iu referuan Prokurorisë Lezhë, për veprime të mëtejshme. /CNA





Lajmet e fundit nga