web counter
LEXO PA REKLAMA!

SHKARKO APP

Ndërron jetë në QSUT një i dënuar, çfarë dihet për ngjarjen

5 Prill 2026, 08:15, Kronika CNA

Ndërron jetë në QSUT një i dënuar, çfarë

Një i dënuar ka ndërruar jetë orës 05:00 të mëngjesit të së dielës në Qendrën Spitalore Universitare “Nënë Tereza”, në Reanimacionin Qendror.

Mësohet se i dënuari Hajri Ramazan Robi ka ndërruar jetë rreth si pasojë e arrestit kardio-respirator.

Siç bëhet me dije nga Drejtoria e Përgjithshme e Burgjeve, i dënuari me mjekim të detyruar, Hajri Ramazan Robi, i datëlindjes 07.01.1958, lindur dhe banues në Durrës, ishte arrestuar më datë 12.03.2026 për veprën penale “Dhunë në familje”. Ai ka hyrë në IEVP Lezhë më datë 14.03.2026, në zbatim të Vendimit Nr. 156, datë 13.03.2026, të Gjykatës së Shkallës së Parë të Juridiksionit të Përgjithshëm Durrës.

Më datë 30.03.2026, i dënuari është transferuar nga IEVP Lezhë dhe është shtruar në Qendrën Spitalore të Burgjeve. Në datë 02.04.2026 është shtruar me urgjencë në Reanimacionin Qendror, i diagnostikuar me hipertension arterial, diabet mellitus dhe frakturë subtrokanterike të majtë./CNA





Lajmet e fundit nga