web counter
LEXO PA REKLAMA!

SHKARKO APP

App Store
Google Play

E fundit!

x

Misteri Ervis Martinaj/ Ish-prokurori i Krimeve të Rënda: Versionet, të pabazuara në pista konkrete

24 Dhjetor 2022, 21:33, Kronika CNA
Misteri Ervis Martinaj/ Ish-prokurori i Krimeve të Rënda: Versionet,
Ish prokurori i Krimeve të Rënda, Eugen Beci

Ish-prokurori i Krimeve të Rënda, Eugen Beci, ka folur mbi misterin që rrethon çështjen e Ervis Martinajt.

I ftuar në emisionin “Review” në "Euronews", Beci tha se versionet e dala rreth kësaj çështjeje nuk po merren nga pista konkrete.

Ndër të tjera, Beci shtoi se politika duhet të qëndrojë larg kësaj dhe nuk duhet të hyjë në versione teknike.

“Deri më sot duket se versionet nuk po merren përsa i përket pistave konkrete. E kemi thënë dhe do e themi në këto muaj që po vazhdon hetimi i kësaj ngjarjeje.

Versioni i parë që krijohet është versioni i largimit vetë apo jo të personit. Nuk mund të shpikim situata të reja, të gjitha vijnë si pasojë e një studimi dhe të ngjarjeve të mëparshme si analogji. Policia së bashku me prokurorinë duhet të pastrojnë veprimin e parë.

Duke kryer veprimet e para, kemi të bëjmë me vetëzhdukje të një personi apo jo. Nëse nuk kemi të bëjmë me një vetëzhdukje, duhet të shohim nëse kemi të bëjmë me një vrasje apo një rrëmbim.

Pasi kalojnë të gjitha këto versione, politika nuk duhet të hyjë në versione teknike sepse do bëjë edhe gabime trashanike. Policia duhet të krijojë hapësirat e nevojshme për provat fizike”, theksoi ai./ CNA.al





Lajmet e fundit nga