web counter
LEXO PA REKLAMA!

SHKARKO APP

App Store
Google Play

Zhdukja e Ervis Martinajt/ Shemsi Prençi i “drejton gishtin” kryeministrit

24 Dhjetor 2022, 21:05, Kronika CNA

Zhdukja e Ervis Martinajt/ Shemsi Prençi i “drejton gishtin”

Ish-drejtuesi i Lartë i Policisë së Shtetit, Shemsi Prençi, është shprehur se sipas tij kryeministri Edi Rama mund të jetë në krahun e atyre që kanë vrarë Ervis Martinajn.

Në një intërvistë për gazetaren Jonida Shehu, Prençi tha se Rama gjithmonë ka thënë se nëse Ervis Martinaj gjendet i gjallë duhet të vihet para drejtësisë, por asnjëherë nuk ka kërkuar të gjenden autorët e vrasjes dhe të gjykohen nga drejtësia.

“Më ka bërë përshtypje një gjë shumë serioze. Kryeministri thotë, për policinë ka dy opsione. Ta gjejnë, nëse është i vrarë, të gjendet dhe t’i thuhet opinionit publik se është i vrarë. Nëse është i gjallë, të gjendet e të vihet para drejtësisë. Në asnjë nga opsionet nuk thotë që të gjenden autorët që e kanë vrarë dhe të vihen para drejtësisë. Besoj se isha i qartë. Kryeministri thotë në prezantimin e drejtorit të ri të policisë, nëse është është i vrarë, të gjendet dhe t’i thuhet opinionit publik se është i vrarë.

Nëse është i gjallë, të gjendet e të vihet para drejtësisë. Por nuk thotë te e para, nëse është i vrarë, të gjenden autorët dhe të shkojnë para drejtësisë, ndërsa për atë t’i thotë opinionit publik që është i vrarë. Që këtu, kryeministri i Shqipërisë është i pozicionuar në krahun e atyre që mund ta kenë vrarë, megjithëse kam thënë që e dua Ervis Martinajn të gjallë”, theksoi ai./ CNA.al

 





Lajmet e fundit nga