web counter
LEXO PA REKLAMA!

SHKARKO APP

App Store
Google Play

Kërcënoi se do të vriste gjyqtarin nëse Elvis Shkambi dënohej/ Shoqërohet xhaxhai

7 Tetor 2025, 12:19, Kronika CNA

Kërcënoi se do të vriste gjyqtarin nëse Elvis Shkambi

Policia ka shoqëruar Gjovalin Shkambin, xhaxhain e autorit të vrasjes së gjyqtarit Kalaja, Elvis Shkambi.

Gjovalin Shkambi më herët kërcënoi se nëse nipi i tij Elvis Shkambi do të dënohet gjyqtari do të përballet me plumba.

"Nëse e dënojnë nipin do të përballen me të njëjtën gjë. Gjyqtari që do ta dënojë do të përballet me plumba se ka 13 vite që i shkojmë kryeministrit dhe gjithë qeverisë, të na japin pronën se e kemi blerë. Ai gjyqtar që e dënon ka të njëjtin shpërblim, provat i dhamë. Ia kemi blerë shtetit, ose të na çojë në burg.

Familjes së të ndjerit gjyqtar i kërkoj hallallin me kishë e xhami. Kemi 13 vite që informojmë shtetin. Kemi blerë pronën me ligj, me rregulla. Kush dënon atë djalë ka plumba, qoftë edhe Donald Trump edhe Papa, s’ka lojë me ne më. Kemi fituar të gjitha gjyqet.

S’kam qenë në dijeni të veprimit që do të kryente nipi.

Nuk i druhemi hakmarrjes, kemi nisur luftë të paparë. Më ka prerë në besë shteti. S’ka gjyqtar që e dënon”, tha Gjovalin Shkambi disa orë më parë./CNA

 

 

 





Lajmet e fundit nga