web counter
LEXO PA REKLAMA!

SHKARKO APP

App Store
Google Play

Vrasja e shqiptarit në Greqi/ Krimi me pushkë gjahu, dyshime se autori është një i mitur

5 Tetor 2025, 22:14, Kronika CNA

Vrasja e shqiptarit në Greqi/ Krimi me pushkë gjahu, dyshime se autori

Zbardhen detaje të reja nga vrasja e dyfishtë që ndodhi këtë mbrëmje në recepsionin e një kampingu në Finikounda, Messinia të Greqisë, ku një prej viktimave është edhe një shtetas shqiptar.

Mediat greke raportojnë se autoritetet janë në kërkim të një të dyshuari të ri, i cili sipas informacioneve fillestare mund të jetë edhe i mitur.

Sipas informacioneve, autori i krimit hyri në recepsion rreth orës 8:30 të mbrëmjes dhe pasi dyshohet se pyeti nëse do merrte me qira një dhomë, kërkesa e tij u refuzua. Më pas ai nxori një armë, me shumë mundësi një pushkë gjahu dhe qëlloi pronarin dhe punonjësin.

Dy personat u gjetën të pajetë dhe të mbuluar me gjak në recepsion. Më pas autori është larguar nga vendi i ngjarjes.

Informacionet tregojnë se viktima dhe pronari kishin një njohje personale, ndërsa ka indikacione se autori dhe viktimat mund të kenë njohur njëri-tjetrin. Gjithashtu, sipas të njëjtave informacione, viktima ishte qëlluar me armë zjarri disa muaj më parë, në korrik, por ai pretendonte se nuk kishte mosmarrëveshje me askënd.

Çështja u mor përsipër nga Nëndrejtoria e Hetimit dhe Ndjekjes Penale të Krimit në Mesinia, dhe në veçanti nga ekipi i vrasjeve, i cili po mbledh prova dhe deklarata për të identifikuar autorin. Policia po heton pamjet filmike të kamerave, dëshmitë nga banorët dhe çdo pikë kontakti telefonik midis të dyshuarit dhe viktimave./CNA





Lajmet e fundit nga