web counter
LEXO PA REKLAMA!

SHKARKO APP

App Store
Google Play

Zbardhen dy vjedhje në Krujë/ Vihet në pranga autori

5 Tetor 2025, 12:16, Kronika CNA
Zbardhen dy vjedhje në Krujë/ Vihet në pranga autori
autori

Dy vjedhje të ndodhura në dy muajt e fundit në Krujë janë zbardhur nga policia. Si rezultat është identifikuar dhe arrestuar edhe autori, një 43-vjeçar nga Egjipti, banues në Nikël. 

Sipas informacioneve, më 20 shtator të këtij viti ai kishte një shumë parash në një lokal në Nikël, ndërsa më 3 tetor kishte vjedhur vegla pune në një magazinë në fshatin Qerekë.

Ndërkohë, vijojnë hetime për të zbardhur vjedhje të tjera që mund të ketë kryer 43-vjeçari.

Njoftimi i policisë:  

Identifikohet, kapet dhe vihet në pranga 43-vjeçari.

Shërbimet e komisariateve të Policisë Krujë, në vijim të punës për zbardhjen e autorësisë së vjedhjeve të kryera, pas administrimit të kallëzimeve të bëra nga dy shtetas për vjedhjen e një lokali dhe të një magazine, organizuan punën me qëllim kapjen e autorit dhe dokumentimin e rasteve.

Si rezultat i një pune të organizuar dhe në bazë të këqyrjes së pamjeve filmike, u identifikua, u kap dhe u vu në pranga autori i dy vjedhjeve, shtetasi egjiptian M. Sh., 43 vjeç, banues në Nikël.

Konkretisht, dyshohet se ky shtetas:
• më datë 20.09.2025, ka vjedhur me thyerje një shumë parash në një lokal në Nikël;
• më datë 03.10.2025, ka vjedhur vegla pune në një magazinë në fshatin Qerekë.

Vijojnë hetime për të zbardhur vjedhje të tjera që mund të ketë kryer 43-vjeçari.

Materialet procedurale iu referuan Prokurorisë së Tiranës, për veprime të mëtejshme, për veprën penale “Vjedhja”./CNA





Lajmet e fundit nga