web counter
LEXO PA REKLAMA!

SHKARKO APP

App Store
Google Play

Dhunuan efektivin e policisë dhe dëmtuan ambientet e komisariatit/ Pranga dy të rinjve

4 Tetor 2025, 17:17, Kronika CNA

Dhunuan efektivin e policisë dhe dëmtuan ambientet e komisariatit/

Dy të rinj janë vënë në pranga pasi orët e para të mëngjesit të sotëm kanë goditur një efektiv policie për shkak të detyrës.

Policia njofton se dy të arrestuarit D. S., 21 vjeç, dhe K. S., 18 vjeç, kanë thyer kamerën e sigurisë në komisariat dhe kanë dëmtuar derën e dhomës së shoqërimit.

Po ashtu, sipas njoftimit të policisë, të rinjtë kanë kanosur dhe punonjësit që ndodheshin në komisariat.

 

Njoftimi i policisë

Tiranë

Specialistët për Hetimin e Krimeve të Komisariatit të Policisë Nr. 2 arrestuan në flagrancë shtetasit D. S., 21 vjeç, dhe K. S., 18 vjeç, pasi në orët e para të mëngjesit të sotëm kanë goditur, për shkak të detyrës, një punonjës policie.

Kur janë shoqëruar në ambientet e dhomave të shoqërimit të Komisariatit të Policisë Nr. 2, këta shtetas kanë thyer kamerën e sigurisë dhe kanë dëmtuar derën e dhomës së shoqërimit. Gjithashtu, kanë kanosur punonjësit e policisë që ndodheshin në këto ambiente.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.





Lajmet e fundit nga