web counter
LEXO PA REKLAMA!

SHKARKO APP

App Store
Google Play

Theu masën e arrestit në shtëpi/ Vihet në pranga 35-vjeçari në Elbasan

5 Tetor 2025, 12:38, Kronika CNA
Theu masën e arrestit në shtëpi/ Vihet në pranga
Momenti i arrestimit të 35-vjeçarit

Një 35-vjeçar është arrestuar në Elbasan pasi theu masën e sigurisë "arrest në shtëpi". Shtetasit me iniciale A.K., i ishte caktuar kjo masë sigurie për prodhim dhe shitje të narkotikëve.

Pas arrestimit në flagrancë, u ushtrua kontroll në banesën e tij ku u gjet dhe u sekuestrua, në cilësinë e provës materiale, një sasi kokaine dhe peshore elektronike.

Njoftimi i policisë: 

Elbasan

Theu masën e sigurisë “Arrest në shtëpi”, të caktuar për prodhim dhe shitje të narkotikëve, arrestohet në flagrancë 35-vjeçari.

Gjatë kontrollit në banesë, iu gjet dhe sekuestrua lëndë e dyshuar narkotike kokainë dhe peshore elektronike.

Në vijim të punës për garantimin e rendit dhe sigurisë, evidentimin dhe goditjen e veprimtarive kriminale, shërbimet e Komisariatit të Policisë Elbasan në bashkëpunim me Forcën e Posaçme "Shqiponja", kanë kapur dhe arrestuar në flagrancë shtetasin A. K., 35 vjeç.

Ky shtetas kishte dalë nga banesa e tij, në kundërshtim me vendimin e Gjykatës së Shkallës së Parë të Juridiksionit të Përgjithshëm Elbasan, e cila kishte caktuar masën e sigurisë "Arrest në shtëpi", për veprën penale "Prodhimi dhe shitja e narkotikëve"

Në vijim të veprimeve procedurale, u ushtrua kontroll në banesën e shtetasit A. K., ku u gjet dhe u sekuestrua, në cilësinë e provës materiale, një sasi lënde e dyshuar narkotike kokainë dhe peshore elektronike.

Materialet iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprat penale “Largimi i të burgosurit nga vendi i qëndrimit” dhe "Prodhimi dhe shitja e narkotikëve”./CNA





Lajmet e fundit nga