web counter
LEXO PA REKLAMA!

SHKARKO APP

App Store
Google Play

Operacioni "Check point”/ U kapën duke shitur kokainë, arrestohen 2 persona

6 Tetor 2025, 13:46, Kronika CNA

Operacioni "Check point”/ U kapën duke shitur kokainë,

Dy persona janë arrestuar në flagrancë, në Tiranë, pasi po tregtonin lëndë narkotike kokainë.

Në pranga janë vendosur shtetasit A.A., dhe S.Xh., përkatësisht shitësi dhe blerësi i kokainës.

S.Xh., kishte thyer masën arrest në shtëpi për “prodhim dhe shitje narkotikësh".

Policia sekuestroi lëndën narkotike dhe një shumë parash.

 

Njoftimi i Policisë:

"Tiranë/Finalizohet operacioni policor antidrogë i koduar “Check point”.     

Goditet një rast i shitjes së lëndëve narkotike.      

U kap në flagrancë duke i shitur lëndë të dyshuar narkotike kokaine, një shtetasi, vihet në pranga 29-vjeçari.  

Policia sekuestroi lëndën narkotike dhe një shumë parash.

Vihet në pranga dhe shtetasi që po blinte lëndën narkotike, i cili kishte thyer masën e sigurisë “Arrest në shtëpi”, për veprën penale “Prodhimi dhe shitja e narkotikëve”.

Sekuestrohen një sasi kokaine, një shumë parash e dyshuar e përfituar nga shitja e saj, një peshore elektronike dhe sende të kundërligjshme, që i posedonte 29-vjeçari.    

Në vijim të punës për goditjen e veprimtarive kriminale në fushën e narkotikëve, bazuar dhe në informacionet e siguruara në rrugë operative, specialistët për Hetimin e Narkotikëve të DVP Tiranë organizuan dhe finalizuan operacionin policor të koduar “Check point”.   

Gjatë operacionit, në rrugën “Anton Lufi”, shërbimet e Policisë kapën në flagrancë shtetasin A. A. duke i shitur një sasi lëndë të dyshuar narkotike kokaine, shtetasit S. Xh.   

Nga verifikimet rezultoi se shtetasi S. Xh. kishte thyer masën e sigurisë “Arrest në shtëpi”, për veprën penale “Prodhimi dhe shitja e narkotikëve”.

Gjatë kontrollit fizik ndaj shtetasit A. A. dhe kontrollit në banesën e tij, shërbimet e Policisë gjetën sasi të lëndës së dyshuar narkotike kokainë, një shumë parash të dyshuar të përfituar nga shitja e dozave,  një peshore elektronike dhe sende të kundërligjshme.

 

Në përfundim të veprimeve procedurale për rastin, u arrestuan shtetasit A. A., 29 vjeç dhe S. Xh., 29 vjeç, të dy banues në Tiranë. Materialet procedurale i kaluan Prokurorisë, për veprime të metejshme"./CNA





Lajmet e fundit nga