web counter
LEXO PA REKLAMA!

SHKARKO APP

App Store
Google Play

E fundit!

x

Atentati në Shkodër/ Viktimës iu gjet në çantë një pistoletë gati për qitje

30 Gusht 2024, 13:27, Kronika CNA
Atentati në Shkodër/ Viktimës iu gjet në çantë
 Elis Rroshkodoli

Policia e Shkodrës ka dalë me njoftim zyrtar për vrasjen e ndodhur mesditën e sotme në lagjen “Ahmet Haxhia”. 

I pajetë ka ngelur Elis Rroshkodoli.

Nga veprimet paraprake në vendin e ngjarjes, grupi hetimor ka gjetur në çantën e dorës të viktimës një armë zjarri pistoletë me fishekë në fole gati për qitje.

Ngjarja ndodhi brenda një lokali, ku një person ende i paidentifikuar qëlloi me armë zjarri në drejtim të viktimës dhe më pas u largua me shpejtësi në këmbë nga vendi i ngjarjes. 

Njoftimi i policisë: 

Rreth orës 12:30, në lagjen “Ahmet Haxhia”, në një lokal, dyshohet se një shtetas i paidentifikuar ka vrarë me armë zjarri shtetasin E. Rr., rreth 36 vjeç, banues në Shkodër.

Me marrjen e njoftimit, kanë shkuar menjëherë në vendngjarje, shërbimet e Drejtorisë Vendore të Policisë Shkodër dhe drejtuesit e Drejtorisë dhe të Komisariatit të Policisë Shkodër.

Në ndihmë të Policisë Vendore kanë shkuar dhe dy grupe të Forcës Kombëtare të Sigurisë, Njësia Shkodër dhe janë vënë në ndjekje të autorit.

Gjithashtu është ngritur një grup hetimor i cili ndodhet në vendngjarje dhe po vijon punën intensive në bashkëpunim me Prokurorinë, për sigurimin e provave për dokumentimin ligor të kësaj ngjarjeje.

Nga veprimet paraprake në vendin e ngjarjes, grupi hetimor ka gjetur në çantën e dorës të 36-vjeçarit E. Rr., 1 armë zjarri pistoletë me fishekë në fole gati për qitje.

Vijojnë veprimet dhe kontrollet intensive, për identifikimin dhe kapjen e autorit./CNA 

 





12:45 Kronika

Vrasje në Shkodër

Pak minuta më parë ka ndodhur një vrasje në rrugën ‘Isuf S...

Lajmet e fundit nga