web counter
LEXO PA REKLAMA!

SHKARKO APP

App Store
Google Play

Vodhi 15 mijë euro në një banesë në Tiranë, arrestohet 38-vjeçari

29 Gusht 2024, 12:16, Kronika CNA
Vodhi 15 mijë euro në një banesë në Tiranë,
Foto ilustruese

Policia e Tiranës ka arrestuar një 38-vjeçar me iniciale O.B., i cili akuzohet se ka vjedhur 15 000 euro në një banesë. 

Njoftimi i Policisë: 

Finalizohet nga Komisariati i Policisë Nr. 2, operacioni policor i koduar "Key" për goditjen e veprimtarisë kriminale në fushën e vjedhjes së pronës.

Vodhi 15 000 euro në një banesë, arrestohet 38-vjeçari.

Sekuestrohen shuma parash të dyshuara të vjedhura, që u gjetën në banesën e autorit të dyshuar, një automjet si dhe veshjet që autori ka përdorur gjatë ngjarjes.

Specialistët për Hetimin e Krimeve të Komisariatit të Policisë Nr. 2 në vijim të punës për goditjen e veprimtarive kriminale në fushën e vjedhjes së pronës dhe për vënien përpara përgjegjësisë penale, të shtetasve që i kryejnë ato, kanë organizuar dhe finalizuar operacionin policor të koduar "Key".

Si rezultat i tij u arrestua shtetasi O. B., 38 vjeç, banues në Tiranë, për veprën penale "Vjedhja", parashikuar nga neni 134 i Kodit Penal.

Ky shtetas dyshohet se më datë 25.08.2024, ka vjedhur shumën 15 000 euro në një banesë në Komunën e Parisit.

Në cilësinë e provës materiale u sekuestruan shuma parash të dyshuara të vjedhura, një automjet, dhe veshje të cilat autori i dyshuar i ka përdorur gjatë kryerjes së vjedhjes. Materialet i kaluan Prokurorisë./CNA 





Lajmet e fundit nga