web counter
LEXO PA REKLAMA!

SHKARKO APP

E fundit!

x

Atentati ndaj Elton Javorit/ Arrestohet njëri prej autorëve

27 Shtator 2024, 11:29, Kronika CNA
Atentati ndaj Elton Javorit/ Arrestohet njëri prej autorëve
Elton Javori

Policia ka arrestuar 33-vjeçarin Kreshnik Gashi për vrasjen e Elton Javorit, ngjarje e ndodhur në dhjetor të 2023-shit.

Ai akuzohet për veprat penale “Vrasje me paramendim”, e kryer në bashkëpunim dhe “Mbajtja pa leje dhe prodhimi i armëve, armëve shpërthyese dhe i municionit”.

Kreshnik Gashi ishte shpallur pasi së bashku në bashkëpunim me vëllain e tij, Agim Gashi dyshohet se kanë vrarë për motive të dobëta Javorin.

Agim Gashi është në kërkim nga policia.

Kujtojmë se më 7 dhjetor 2023, 41-vjeçari Elton Javori u ekzekutua në Fier vetëm pak metra larg banesës së tij.

Autori u afrua me automjet pranë makinës në të cilën ndodhej 41-vjeçari dhe e qëlloi këtë të fundit me armë sapo uli xhamin.

Zjarrit iu kundërpërgjigj me armë edhe Elton Javori, por nuk mundi të qëllojë agresorin, pasi mori një plumb në kokë. Pranë viktimës u gjet edhe pistoleta.

Pas të shtënave, autori u largua me shpejtësi. Policia identifikoi Agim Gashin si autorin e dyshuar të kësaj ngjarjeje, por nuk ka mundur ta vërë në pranga.

Elton Javori është nipi i Medi dhe Demir Backës. Medi Backa, i njohur si anëtar i bandës së Fierit, u vra në vitin 1997, në masakrën e Levanit, me 23 viktima. Ndërsa Demir Backa u eliminua me kallashnikov mbrëmjen e 23 tetorit 2021 në qendër të Fierit./ CNA





Lajmet e fundit nga