web counter
LEXO PA REKLAMA!

SHKARKO APP

App Store
Google Play

E fundit!

x

Sot mbyllen hetimet për dosjen "Partizani"/ Berisha e Malltezi nuk do të paraqiten në SPAK

25 Shtator 2024, 08:09, Kronika CNA
Sot mbyllen hetimet për dosjen "Partizani"/ Berisha e Malltezi
Ish-kryeministri Sali Berisha

Ditën e sotme SPAK-u mbyll hetimet për dosjen e privatizimit të ish-kompleksit “Partizani”, ku është i pandehur ish-kryeministri Sali Berisha, Jamarbër Malltezi e kushëriri i tij Xhim Begeja, po ashtu edhe financierja Andia Pustina.

Sipas një deklarate të Argita Malltezit, ish-kryeministri Sali Berisha dhe Jamarbër Malltezi nuk do të paraqiten sot në SPAK personalisht për t’iu komunikuar mbyllja e hetimeve.

Mësohet se avokatët e tyre do të njihen me mbylljen zyrtare të hetimeve për privatizimin e ish-kompleksit “Partizani”, para se dosja t’i kalojë gjykatës.

Dosja e shqyrtuar nga prokurorët e SPAK-ut, Arben Kraja dhe Enkeleda Millonai, kalon në GJKKO, më pas me short elektronik do të zgjidhet një gjyqtar për seancën paraprake.

Gjykatësi paraprak vendos nëse janë kryer hetime të plota, dhe nëse dosja do të kalojë për gjykim apo do ta rikthejë në SPAK për hetime të mëtejshme, ose vendos të rrëzohet çështja.

Nëse gjyqtari pranon aktet e dosjes së SPAK-ut, atëherë gjyqi cilësohet i çelur dhe nis shqyrtimi në themel me seanca në vijim dhe trup gjykuese./CNA





Lajmet e fundit nga