web counter
LEXO PA REKLAMA!

SHKARKO APP

App Store
Google Play

Qëlluan me armë drejt një mjeti/ Arrest me burg për punonjësin e "Shqiponjave", detyrim paraqitje për dy kolegët

23 Shtator 2024, 21:49, Kronika CNA

Qëlluan me armë drejt një mjeti/ Arrest me burg për

Gjykata e Tiranës ka caktuar masa sigurie për 3 punonjës të policisë, efektivë të Seksionit të Forcës së Posacme "Shqiponja".

Agjencia e Mbikëqyrjes Policore deklaron se bëhet fjalë për efektivët me iniciale:

- R. B., 34 vjeç, me masë sigurimi “Arrest në burg”, i dyshuar për veprën penale “Vrasje me dashje” e mbetur në tentativë, “Falsifikim dokumentash” dhe “Kallëzim i rremë”. Shtetasi është shpallur në kërkim pasi nuk është bërë e mundur gjetja e tij;

- E. D., 46 vjeç, me masë sigurimi “Detyrim për t’u paraqitur në Policinë Gjyqësore”, i dyshuar për veprën penale “Shpërdorim detyre”, i kryer në bashkëpunim, “Moskallëzim krimi”, “Falsifikim dokumentash” dhe “Veprime që pengojnë zbulimin e të vërtetës”;

- F. Z., 37 vjeç, me masë sigurimi “Detyrim për t’u paraqitur në Policinë Gjyqësore”, i dyshuar për veprën penale “Shpërdorim detyre”, i kryer në bashkëpunim, “Moskallëzim krimi”, “Falsifikim dokumentash” dhe “Veprime që pengojnë zbulimin e të vërtetës”.

Nga hetimet e kryera pas kallëzimit penal të depozituar nga një shtetas, rezultoi se në datë 8 mars 2024, gjatë kryerjes së shërbimit në segmentin rrugor Tiranë–Fushë Krujë, këta punonjës policie kanë ndaluar një automjet dhe gjatë veprimeve policore, në tejkalim të kushteve të mbrojtjes së nevojshme, kanë qëlluar me armën e shërbimit në drejtim të tij.

Sipas AMP-së, efektivët kanë vënë në rrezik jetën e dy personave që ndodheshin në mjet. Në vijim, krahas mos-raportimit të ngjarjes tek strukturat eprore, ata kanë tentuar të fshehin provat dhe faktet./ CNA





Lajmet e fundit nga