E fundit!

16:40 Aktualitet

Investimi në Zvërnec/ Rama: Ja njeriu që investitorët kanë kontraktuar për arkitekturën e peizazhit

Kryeministri Edi Rama ka zbuluar arkitektin me famë botëro...

Foto - Me shikim të trembur para hetuesve/ Djali i ‘El Chapos’, në burgun e sigurisë së lartë

6 Janar 2023, 19:50, Kronika CNA

Foto - Me shikim të trembur para hetuesve/ Djali i ‘El Chapos’,

Ovidio Guzman

Një nga ngjarjet më të bujshme të këtyre ditëve ka qenë arrestimi i Ovidio Guzman, djalit të Joaquin "El Chapo" Guzman.

Së fundmi në media janë publikuar foto pas arrestimit të të shumëkërkuarit të kartelit “Sinaloa”, i cili po mbahet në burgun federal të sigurisë maksimale Altiplano, pas operacionit në Meksikën veriore që çoi në humbjen e 29 jetëve.

Teksa shihet i veshur me jelekun portokalli të të burgosurve, Ovidio Guzman, i njohur me nofkën ‘El Raton’ ose ‘Miu’, shfaqet i tronditur në paraburgim.

Gjatë marrjes në pyetje nga hetuesit shikimi i tij tregon frikën e djalit të “El Chapos”.

Foto - Me shikim të trembur para hetuesve/ Djali i ‘El Chapos’,

Ndërkohë, kujtojmë se arrestimi i Guzman herët në mëngjesin e së enjtes shkaktoi kaos rreth qytetit të Culiacan. Operacioni policor përfshinte 200 forca speciale. Zyrtarët lokalë u kërkuan qytetarëve të strehohen në shtëpi për shkak të përleshjeve me anëtarët e kartelit në pjesë të ndryshme të qytetit.

Të paktën 19 anëtarë të dyshuar të bandës dhe 10 ushtarakë humbën jetën gjatë përleshjeve të dhunshme. Gjithashtu 21 persona të tjerë u arrestuan gjatë operacioneve të forcave speciale meksikane.

Guzman u përshkrua si "një anëtar i rangut të lartë i kartelit Sinaloa" në një deklaratë të lëshuar nga Departamenti i Shtetit i Shteteve të Bashkuara më 16 dhjetor.

Foto - Me shikim të trembur para hetuesve/ Djali i ‘El Chapos’,

Ai ishte arrestuar më parë nga autoritetet federale në tetor të 2019-ës, por u lirua me urdhër të Presidentit Andres Manuel Lopez Obrador për të shmangur gjakderdhjen e mëtejshme.

Babai i Guzman, "El Chapo", ishte arratisur nga burgu i Altiplanos më 11 korrik të 2015-ës, por u kap dhe u dënua në SHBA katër vjet më vonë për 10 akuza, ndër të cilat edhe përfshirja në një sipërmarrje të vazhdueshme kriminale, trafik droge dhe akuza për armë zjarri. Ai u dënua me burgim të përjetshëm plus 30 vjet.

Sinaloa njihet si shtëpia e një prej organizatave më të fuqishme të trafikut të narkotikëve në botë, Karteli Sinaloa, lideri i të cilit ishte “El Chapo”./ B.A. - CNA.al