web counter
LEXO PA REKLAMA!

SHKARKO APP

App Store
Google Play

E fundit!

x

Xhaxhai i Visar Cengut, paralajmëron “Kobrën”/ Nëse del nga burgu, do reagoj

5 Janar 2023, 21:09, Kronika CNA
Xhaxhai i Visar Cengut, paralajmëron “Kobrën”/ Nëse
Viktima Visar Cengu dhe autori Dritan Hoxhaj

Besim Cengu, xhaxhai i Visar Cengut ka paralajmëruar Dritan Hoxhajn, i cili i mori jetën nipit të tij në 3 janar nga të shtënat me armë në Prizren.

Besim Cengu tha për “5pyetjet” se nëse Hoxhaj del nga burgu, do të ketë një reagim nga ana e tij dhe e familjarëve të tjerë të viktimës.

“Unë e njoh shumë mirë situatën aty. Ne jemi në një periudhë ku duhet të zgjojmë ndërgjegjen tonë, jo vetëm qytetare por edhe qeverisje së dy krahëve, që duke lënë këta njerëz jashtë, këta me siguri do të ndikohen negativisht tek krahu tjetër. Nëse do ta nxjerrësh vrasësin e djalit me siguri do të nxitet krahu tjetër. Kur merret masa amortizohet situata. Ky nuk është kërcënim. Duhet drejtësi.

Kurrë më figura të kësaj natyre. Janë mbeturina orientale. Personi ka mbi 10 vite ecën edhe i veshur si oriental, po përdhos edhe mentalitetin religjioz, futet në xhami dhe falet, na jep mend ne. Kjo është e tmerrshme. Ky është personi, që ka menaxhuar një femër me një emër arme (Kallashi). Nëse ai del nga burgu, do të zgjojë tek ne reagimin me siguri. Nuk janë larg. Janë shumë afër. Prej fshatit ku është ky djali, autori unë jam stërnip”, u shpreh ai.

Xhaxhai i 31-vjeçari deklaroi se nuk do priste ta dëgjonte autorin e vrasjes edhe nëse do të kishte një iniciativë nga ana e këtij të fundit, pasi pretendon Dritan Hoxhaj nuk ka kulturë edukimi.

“Nuk e besoj. Nëse gjykoj këtë veprimin e fundit të atij djalit, nëse e gjykojmë se ka ardhur si rezultat i një kulture edukimi nga ajo familje, është shumë e vështirë me pasur burra prej atyre me ardhur me diskutuar. Ne nuk jemi familje patriarkale. Ne edhe tolerojmë edhe gjykohet, edhe di të flasë dhe gjykojë. Ne nuk do të fillojmë luftën.

Ne jemi një komb, popull dhe mentalitet, ky është rast i veçuar. Nuk mund të na komandojnë këta njerëz. Këta kokëqethur, me zinxhir sa një gisht në qafë. Mjaft më me këta njerëz. Nuk mund ta ngrenë zvarrë popullin si ky ordiner. I mbylli derën vëllait. I kanë mbetur tre motra, prindi dhe nëna e vet krahëthatë. Si mundet që të dalë prapë ky njeri dhe të qarkullojë prapë, kjo do të ishte skandaloze. Dobësia më e madhe e shtetit në Kosovë”, theksoi Besim Cengu./ B.A. – CNA.al





Lajmet e fundit nga