web counter
LEXO PA REKLAMA!

SHKARKO APP

App Store
Google Play

E fundit!

x

Finalizohet operacioni policor në Shkodër/ Vihet në pranga 22-vjeçari

6 Shkurt 2025, 09:29, Kronika CNA

Finalizohet operacioni policor në Shkodër/ Vihet në pranga

Policia në Shkodër ka finalizuar një operacion policor, si rezultat i të cilit u vu në pranga një 22-vjeçar.

Operacioni i koduar “Kontigjenti” u zhvillua me qëllim konstatimin e rasteve kur shtetas me precedentë kriminalë lëvizin të armatosur për të kryer ngjarje kriminale.

Shtetasi i vënë në pranga lëvizte me pistoletë me vete, teksa ishte në kërkim për plagosjen me armë zjarri të një 24-vjeçari, në dhjetor 2024.

Gjithashtu u bë edhe sekuestrimi i pistoletës me municionin e saj.

“Si rezultat i intensifikimit të patrullimeve në të gjithë territorin e qarkut, dhe i punës së inteligjencës policore, me qëllim konstatimin e rasteve kur shtetas me precedent kriminal, lëvizin të armatosur, për të kryer ngjarje kriminale, shërbimet e Komisariatit të Policisë Shkodër finalizuan operacionin policor të koduar “Kontigjenti”.

Në kuadër të këtij opeacioni, u arrestua në flagrancë, në lagjen “Rus”, shtetasi E. Sh., 22 vjeç, banues në Shkodër. Gjatë kontrollit fizik iu gjet një armë zjarri pistoletë me municion.

Nga verifikimet e mëtejshme rezultoi se ky shtetas ishte me masë sigurie “Arrest në burg”, pasi akuzohet se më datë 23.12.2024, gjatë një konflikti të çastit, në lagjen “Skënderbeg”, ka plagosur me armë zjarri, shtetasin A. B..

Materialet procedurale iu referuan Prokurorisë së Shkodrës, për veprime të mëtejshme”, - thuhet nga policia./CNA 





Lajmet e fundit nga