web counter
LEXO PA REKLAMA!

SHKARKO APP

App Store
Google Play

E fundit!

x

“E kam mbështetur”/ Babai i 18-vjeçares tregon për përballjen me përdhunuesin e vajzës

16 Janar 2024, 09:37, Kronika CNA
“E kam mbështetur”/ Babai i 18-vjeçares tregon për
Foto ilustruese

Babai i 18-vjeçares, e cila u përdhunua nga kunati, ka rrëfyer momentet tronditëse kur ka mësuar atë që i kishte ndodhur vajzës së tij.

Ai ka dëshmuar para gjykatës se vëllain e gruas së tij të dytë e kishte mbështetur dhe financiarisht.

Në përballjen me të ai i ka kërkuar llogari për atë që i kishte bërë vajzës, ndërsa 33-vjeçari kishte nisur të tallej me të.
 

“E kam mbështetur, e kam ndihmuar financiarisht, e kam futur në shtëpinë time dhe më ka dhunuar fëmijën. Gjendjes sime të rëndë mendore iu shtua ndjenja e tradhtisë”, ka thënë ai.

Duke ditur të kaluarën e tij të dhunshme, ai ka marrë me vete edhe armën që posedon ligjërisht, mësohet të ketë thënë ai. Ai nuk e ka telefonuar vetë 33-vjeçarin, pasi nuk kanë pasur shumë kontakte, por i ka thënë gruas së tij që ta telefonojë vëllain e saj dhe i ka kërkuar që ta ndihmojë të ndryshojë gomën e makinës pranë hyrjes së Volos.

33-vjeçari ka parkuar makinën në krahun e kundërt të rrugës, dhe është nisur drejt 50-vjeçarit që ndodhej në anën e kundërt të rrugës.

Aty i ka kërkuar llogari pse i kishte shkatërruar jetën vajzës së tij. Ai, pavarësisht se e ka parë armën që po mbante kunati i tij, jo vetëm që nuk ka dhënë asnjë shpjegim, por përkundrazi ka nisur të tallej me të dhe ka tentuar ta sulmojë dhe t'i rrëmbejë armën.
  
Për t'u mbrojtur, 50-vjeçari ka goditur me tytën e armës 33-vjeçarin në kokë dhe gjoks dhe ai ka rënë përtokë. Por ai u ngrit dhe e sulmoi përsëri! 33-vjeçari, sipas asaj që ka dëshmuar autori, tentoi t’i hiqte armën nga dora dhe më pas gjatë përleshjes ka tërhequr këmbëzën dhe e ka qëlluar për vdekje.
 
Pas asaj që ka ndodhur, babai i 18-vjeçares është dorëzuar në polici./ CNA





Lajmet e fundit nga