web counter
LEXO PA REKLAMA!

SHKARKO APP

App Store
Google Play

E fundit!

x

E akuzuar si “mollë sherri” për vrasjen e Martin Çeços/ Arrestohet 18-vjeçarja në Korçë

14 Tetor 2022, 20:14, Kronika CNA
E akuzuar si “mollë sherri” për vrasjen e Martin
Martina Pajollari dhe Martin Çeço

Policia ka vënë në pranga një tjetër person për vrasjen makabre të 26-vjeçarit Martin Çeço në qershor të këtij viti.

Blutë bëjnë me dije se është arrestuar Martina Pajollari, e cila dyshohet se ka bashkëpunuar me autorët.

Nga dëshmia e dhënë në polici, ajo ka pranuar në një moment se ndodhej në vendngjarje, në momentin kur është kryer krimi.

Ndërkohë, më parë janë arrestuar Valter Mollaj, Edlir Mollaj dhe Blenti Angjo, si të dyshuarit kryesor të vrasjes në fshatin Kolanec të Maliqit në qershor 2022.

Çeço u mbyt me litar dhe u hodh në rezervuarin e Maliqit. 18-vjeçarja Martina Pajollari u konsiderua si “mollë sherri”, pasi në telefon u gjetën biseda të saj me Martin Çeçon. Dyshohet se ajo kishte krijuar lidhje paralele me viktimën dhe njërin prej autorëve.

Njoftimi i policisë:

Vijon operacioni policor i koduar "Marjani".

Shkon në 4 numri i të ndaluarve në lidhje me ngjarjen e ndodhur më datë 16.06.2022, në rezervuarin e fshatit Kolanec, Maliq, ku u gjet i pajetë shtetasi M. Ç.

Vihet në pranga 18-vjeçarja, e dyshuar si e implikuar në vrasjen e 26-vjeçarit. 

Specialistët e Seksionit për hetimin e krimeve ndaj personit, pasurisë, të miturve dhe dhunës në familjes, në vijim të punës për zbardhjen dhe dokumentimin e plotë me prova ligjore të ngjarjes së ndodhur më datë 16.06.2022, në rezervuarin e fshatit Kolanec, Maliq, ku u gjet i pajetë shtetasi M. Ç., 26 vjeç, banues në këtë fshat, bënë ndalimin e shtetases M. P., 18 vjeçe, banuese në fshatin Marjan, Korçë.

Ndalimi i saj u bë pasi, Gjykata e Shkallës Parë Korçë me vendimin e datës 14.10.2022, ka caktuar masën e sigurisë "Arrest në burg", për veprën penale "Vrasja me paramendim", kryer në bashkëpunim, si e implikuar në ngjarjen e lartpërmendur, për të cilën strukturat e Drejtorisë Vendore të Policisë Korçë, kanë ndaluar më parë shtetasit B. A; V. M. dhe E. M.

Vijon puna për dokumentimim me prova ligjore të kësaj ngjarjeje.

Materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme./ B.A. – CNA.al





Lajmet e fundit nga