web counter
LEXO PA REKLAMA!

SHKARKO APP

Një ditë pas masakrës me tre të vrarë në Klos/ Flasin dëshmitarët: Biseda zgjati vetëm 5 minuta...

13 Tetor 2022, 10:59, Kronika CNA

Detaje të reja janë zbardhur nga masakra e djeshme në Klos, ku u vranë tre persona.

Mësohet se familjet banojnë në dy fshatra të ndryshme dhe kishin lënë takim dje. Lokali ku u takuan ishte i mbyllur dhe ata ishin ulur në verandë. Dëshmitarët thonë se biseda ka zgjatur vetëm 5 minuta dhe më pas kanë ndodhur të shtënat që shkaktuan tri viktima. 

17-vjeçari Kenado Shira ishte i dashuruar me vajzën 16-vjeçare të Fiqiri Mjeshtrit, i cili nuk pranonte këtë lidhje dhe shkoi në lokal së bashku me dy vëllezërit e tij, Besnik Mjeshtri polic bashkiak dhe Fatmir Mjeshtri, ndërsa 17-vjeçari shoqërohej nga babai Ilir Shira. Situata agravoi deri në përdorimin e armëve të zjarrit. Si pasojë e të shtënave ndërroi jetë në vendin e ngjarjes teksa tentoi të largohej 17-vjeçari Kenado Shira.

Pak minuta më vonë në spital ndërroi jetë dhe babai i tij Ilir Shira, ndërsa të plagosur janë Renato Hasula dhe Eglant Hasula të cilët kanë lidhje shoqërore me autorin dhe dyshohet se janë plagosur pasi ai ka humbur kontrollin e armës./CNA.al





Lajmet e fundit nga