web counter
LEXO PA REKLAMA!

SHKARKO APP

App Store
Google Play

Dyshohet se lejuan ndërtimet pa leje/ Pezullohen 3 punonjës policie në Gramsh

9 Qershor 2023, 17:12, Kronika CNA

Dyshohet se lejuan ndërtimet pa leje/ Pezullohen 3 punonjës policie

3 punonjës policie në Komisariatin e Policisë Gramsh janë pezulluar nga puna me dyshimet se kanë lejuar ndërtime pa leje.

Agjencia e Mbikëqyrjes Policore njofton se sot ka ekzekutuar urdhrin e Prokurorisë, pas vendimit Penal të Gjykatës së Shkallës së Parë të Juridiksionit të Përgjithshëm Elbasan, e cila ka vendosur masën e sigurimit personal e karakterit ndalues “Pezullimi i ushtrimit të detyrës a shërbimi publik”.

Bëhet fjalë për punonjësit e policisë në Komisariatin e Policisë Gramsh me iniciale:

Inspektor T. R., 56 vjeç, me detyrë Ndihmës Specialist i Policimit në Komunitet;

Inspektor R. M., 54 vjeç, me detyrë Ndihmës Specialist i Policimit në Komunitet;

Inspektor L. Z., 52 vjeç, me detyrë Ndihmës Specialist i Policimit në Komunitet.

Hetimet ndaj tyre janë kryer nga AMP, nën drejtimin e Prokurorëve Pranë Prokurorisë së Gjykatës së Shkallës së Parë të Juridiksionit të Përgjithshëm Elbasan, pasi ata dyshohet se kanë shpërdoruar detyrën duke lejuar ndërtime pa leje.

AMP fton qytetarët të denoncojnë çdo rast të abuzimit apo shkeljes së ligjit nga ana e punonjësve të Policisë së Shtetit duke telefonuar në numrin e gjelbër 0800 90 90./ CNA.al





Lajmet e fundit nga