web counter
LEXO PA REKLAMA!

SHKARKO APP

App Store
Google Play

E fundit!

x

Del ekspertiza/ Dy goditje në kokë i morën jetën biznesmeni shqiptar në Greqi

7 Shtator 2022, 10:28, Kronika CNA

Zbardhen detaje të reja nga vrasja e biznesmenit shqiptar në Greqi, Xhani Topalli.

Media greke “Protothema” shkruan se 46-vjeçarit i shkaktuan vdekjen dy goditje të forta në kokë.

Në këtë përfundim ka dalë ekspertiza mjeko-ligjore, ku theksohet se 46-vjeçari nuk është mbytur, por ka humbur jetën nga goditjet që ka marrë në kokë.

Babai i tre fëmijëve të mitur, i cili jetonte në Rodos, u gjet i pajetë mëngjesin e djeshëm, në zonën mes Psinthos dhe Afandos. Ndërkohë, ka dyshime se ai mund të jetë vrarë nga babë e bir, pronarë të një hoteli në Rodos më 28 gusht.

Pas vrasjes pronari i hotelit ka tentuar të fshehë trupin, duke e lëvizur nga vendi i ngjarjes.

Shkak i ngjarjes së rëndë dyshohet se ka qenë një borxh që pronari i hotelit i ka pasur biznesmenit shqiptar që prej vitit 2019.

Në hetimet paraprake, babë e bir deklarojnë se ka qenë një aksident e gjithë ngjarja. Ata pretendojnë se biznesmeni në gjendje të dehur ka sulmuar 20-vjeçarin.

Ndërkohë, vijojnë hetimet nga ana e policisë, për zbardhjen e plotë të ngjarjes./CNA.al





Lajmet e fundit nga