web counter
LEXO PA REKLAMA!

SHKARKO APP

App Store
Google Play

Arrestohet 26-vjeçari në Tiranë/ I sekuestrohen rreth 500 gr flori dhe sende të tjera kontrabandë

14 Mars 2026, 10:24, Kronika CNA

Arrestohet 26-vjeçari në Tiranë/ I sekuestrohen rreth 500 gr

Një shtetas 26-vjeçar u arrestua në flagrancë në afërsi të Kamzës, pasi transportonte mallra të dyshuara të kontrabanduara.

Nga operacioni policor i koduar “Diversity” u sekuestruan rreth 524 gramë flori, veshje të ndryshme, një shumë parash, 2 makina qepëse, si dhe sende të tjera të dyshuara të kontrabanduara.

Ndërkohë u shpallen në kërkim edhe dy bashkëpunëtorë të tij.

Njoftimi:

Specialistët e Seksionit për Hetimin e Pastrimit të Parave dhe Aseteve Kriminale, bazuar edhe në informacionet e siguruara në rrugë operative, kanë organizuar operacionin policor të koduar “Diversity” duke goditur një rast të kontrabandës së mallrave.

Në afërsi të Kamzës, shërbimet e Policisë ndaluan automjetin që drejtohej nga shtetasi E. K. Gjatë kontrollit të automjetit, iu gjetën të fshehura në baterinë e automjetit 524 gramë flori. Gjithashtu, në automjet u gjetën veshje të ndryshme, paketa cigaresh, dy makina qepëse, si dhe sende e pajisje të tjera.

Në vijim të veprimeve procedurale për këtë rast, u arrestua në flagrancë shtetasi E. K., 26 vjeç, ndërsa u shpallën në kërkim shtetasit F. K. dhe M. G.

Nga hetimet paraprake ka rezultuar se shtetasi E. K., në bashkëpunim me shtetasit F. K. dhe M. G., kanë futur në territorin e Republikës së Shqipërisë mallrat e sipërpërmendura në mënyrë të kundërligjshme.

Materialet procedurale i kaluan Prokurorisë për veprime të mëtejshme./CNA





Lajmet e fundit nga