web counter
LEXO PA REKLAMA!

SHKARKO APP

App Store
Google Play

Sherri i të rinjve në Sarandë/ Arrestohen 4 persona, 2 në kërkim

14 Mars 2026, 10:15, Kronika CNA

Sherri i të rinjve në Sarandë/ Arrestohen 4 persona, 2 në

Zbardhen detaje nga ngjarja e ndodhur dy ditë më parë në Sarandë, i sherrit mes disa të rinjve që rezultoi në të shtëna me armë zjarri në ajër.

Policia njofton se këtë të shtunë u identifikuan dhe u arrestuan katër persona, ndërsa dy të tjerë u shpallen në kërkim.

Njoftimi:

Nga veprimet hetimore dyshohet se më datë 12.03.2026, rreth orës 22:30, në rrugën “Panorama”, shtetasi J. L. dhe një shtetas i mitur, për motive të dobëta dhe pas konflikteve të mëparshme me disa të rinj, kanë qëlluar me armë zjarri në ajër me qëllim kanosjen e tyre.

Si rezultat i veprimeve të shpejta policore, më datë 13.03.2026, rreth orëve të mbrëmjes, u bë e mundur kapja dhe ndalimi i shtetasve A. Z., G. A., A. B. dhe D. Z., të moshës 18 vjeç, banues në Sarandë, të cilët dyshohet se kanë qenë në dijeni të ngjarjes dhe nuk kanë kallëzuar krimin.

Gjatë këqyrjes së vendit të ngjarjes, shërbimet e Policisë sekuestruan në cilësinë e provës materiale 5 gëzhoja, disa aparate celularë, si dhe një automjet.

Ndërkohë, janë shpallur në kërkim shtetasi J. L., 19-vjeç, dhe një shtetas i mitur, ndërsa vijon puna për kapjen e tyre dhe për zbardhjen e plotë të rrethanave të kësaj ngjarjeje.

Materialet procedurale iu referuan Prokurorisë Sarandë për veprat penale “Kanosja”, “Prodhimi dhe mbajtja pa leje e armëve luftarake dhe municionit”, “Prishja e qetësisë publike” dhe “Moskallëzimi i krimit”./CNA

 

 

 

 

 





Lajmet e fundit nga