web counter
LEXO PA REKLAMA!

SHKARKO APP

App Store
Google Play

Arrestohen 5 shtetas në kërkim për vepra të ndryshme penale

12 Mars 2026, 13:36, Kronika CNA

Arrestohen 5 shtetas në kërkim për vepra të ndryshme penale

Këtë të enjte u kapën dhe u vunë në pranga në kryeqytet 5 shtetas të shpallur në kërkim. Këta shtetas rezultonin të dënuar ose të akuzuar për vepra të ndryshme penale.

Në kuadër të operacionit policor të koduar “Catch 5”, u arrestuan shtetasit: S. Gj., 26 vjeç; I. G., 31 vjeç; R. G., 39 vjeç; E. G., 22 vjeç dhe R. R., 38 vjeç.

Konkretisht:

Specialistët për Hetimin e Narkotikëve, në bashkëpunim me Komisariatin e Policisë Nr. 1, kapën dhe ndaluan shtetasin S. Gj., 26 vjeç, pasi Gjykata e Apelit e ka dënuar me 5 vite burgim për veprën penale “Prodhimi dhe shitja e narkotikëve”. Nga ky dënim i kanë mbetur për të vuajtur 2 vite, 1 muaj e 5 ditë burgim.

Specialistët për Hetimin e Narkotikëve, në bashkëpunim me Komisariatin e Policisë Nr. 2, kapën dhe ndaluan shtetasin I. G., 31 vjeç, pasi Gjykata e Tiranës e ka dënuar me 5 vite burgim për veprën penale “Prodhimi dhe shitja e narkotikëve”. Nga ky dënim i kanë mbetur për të vuajtur 1 muaj e 8 ditë burgim.

Specialistët për Hetimin e Krimeve Ekonomike dhe Financiare ndaluan shtetasin R. G., 39 vjeç, pasi Gjykata i ka caktuar masën e sigurisë “Arrest në burg” për veprën penale “Mashtrimi”.

Specialistët për Hetimin e Krimeve të Komisariatit të Policisë Nr. 6 kapën dhe ndaluan shtetasin E. G., 22 vjeç, pasi Gjykata i ka caktuar masën e sigurisë “Arrest në burg” për veprën penale “Vjedhja”, e kryer në bashkëpunim.

Specialistët e Qarkullimit Rrugor ndaluan shtetasin R. R., 38 vjeç, pasi Gjykata e ka dënuar me 20 ditë burgim për veprën penale “Drejtim i automjetit në mënyrë të parregullt”.

Materialet procedurale iu referuan Prokurorisë për veprime të mëtejshme./CNA

 





Lajmet e fundit nga