web counter
LEXO PA REKLAMA!

SHKARKO APP

App Store
Google Play

E fundit!

x

Ushtronin prostitucion në një banesë me qira/ Arrestohen 2 shtetase rumune në Fier

10 Mars 2026, 13:42, Kronika CNA

Ushtronin prostitucion në një banesë me qira/ Arrestohen 2

Dy shtetase nga Rumania u vunë në pranga në qytetin e Fierit, pasi ushtronin prostitucion në një banesë të marrë me qira.

Nga operacioni policor i koduar “Transit”, u sekuestrua një shumë parash, që dyshohet se është përfituar nga kjo veprimtari kriminale, 1 automjet dhe 5 celularë, si dhe u proceduan penalisht 2 shtetas, përfitues nga kjo veprimtari.

Njoftimi:

Si rezultat i hetimeve të kryera me metoda speciale, për një tjetër rast prostitucioni, specialistët e Seksionit për Hetimin e Trafiqeve në DVP Fier, në bashkëpunim me shërbimet e Forcës së Posaçme Operacionale, në kuadër të operacionit policor të koduar “Transit”, arrestuan shtetaset:

I. D., 21 vjeçe, dhe G. B., 45 vjeçe, të dyja banuese në Rumani.

Këto shtetase kishin marrë me qira një banesë në qytetin e Fierit dhe e kishin përshtatur atë për ushtrimin e prostitucionit.

Në cilësinë e provës materiale u sekuestruan 250 euro dhe 5000 lekë, që dyshohet se janë përfituar nga kjo veprimtari kriminale, 1 automjet, si dhe 5 celularë.

Për këtë rast u proceduan penalisht 1 shtetas banues në Divjakë dhe 1 shtetas banues në Fier, të dyshuar si përfitues nga kjo veprimtari.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme./CNA 

 





Lajmet e fundit nga