web counter
LEXO PA REKLAMA!

SHKARKO APP

App Store
Google Play

Gjeti çantën me 17 mijë dollarë/ Veprimi i rrallë i qytetarit nga Saranda

6 Mars 2026, 16:25, Kronika CNA
Gjeti çantën me 17 mijë dollarë/ Veprimi i rrallë i
Foto ilustruese

Një qytetar ka dorëzuar në komisariatin e policisë së Sarandës një çantë me para që mbanin shumën monetare prej me 17 mijë dollarësh.

Shtetasi R.Dh. kishte gjetur çantën e humbur, që sipas policisë, i përkiste shtetases ukrainase L. K.

Njoftimi i policisë:

Shembull i ndershmërisë dhe vlerave qytetare. Një gjest i ndershëm qytetar ka bërë të mundur kthimin e një shume të konsiderueshme parash dhe dokumentesh të humbura tek pronarja e tyre.

Ditën e djeshme, shtetasi R. Sh., duke treguar integritet dhe përgjegjshmëri të lartë qytetare, ka gjetur një çantë të humbur dhe është paraqitur menjëherë në Komisariatin e Policisë Sarandë për ta dorëzuar atë.

Brenda çantës ndodheshin dokumentet personale të shtetases ukrainase L. K., si dhe një shumë monetare prej 17,000 dollarësh.

Falë këtij veprimi shembullor dhe reagimit të menjëhershëm e profesional të shërbimeve të Policisë Sarandë, u bë i mundur identifikimi dhe kontaktimi i shtetases L. K., së cilës iu dorëzuan sot dokumentet dhe shuma e parave.

Ky rast përbën një shembull domethënës të ndershmërisë dhe përgjegjshmërisë qytetare, si edhe të bashkëpunimit të besueshëm mes qytetarëve dhe Policisë, që kontribuon në forcimin e sigurisë dhe të besimit në komunitet.

Policia e Shtetit falënderon shtetasin R. Sh. për veprimin e tij të ndershëm dhe qytetar, duke e vlerësuar këtë gjest si një shembull të vlerave që meritojnë të promovohen dhe të ndiqen nga të gjithë./CNA

 





Lajmet e fundit nga