web counter
LEXO PA REKLAMA!

SHKARKO APP

App Store
Google Play

Vrasja e Gentian Qarrit/ Zbardhen detaje nga operacioni masiv në Vlorë

7 Mars 2026, 09:27, Kronika CNA

Prokuroria e Posaçme Kundër Korrupsionit dhe Krimit të Organizuar (SPAK) ka lëshuar këtë të shtunë, 7 mars, shtatë urdhër-arreste në kuadër të hetimeve për krime të rënda. Operacioni është zhvilluar në qytetin e Vlorës, ku forcat speciale RENEA dhe FNSH kanë zbarkuar që në orët e para të mëngjesit në zonën e “Ujit të Ftohtë”.

Sipas raportimeve nga terreni, aksioni është monitoruar edhe nga ajri me dronë, ndërsa dyshohet se lidhet me zbardhjen e vrasjes së Gentian Qarrit, ngjarje e ndodhur më 6 shkurt 2021 në Vlorë.

Atentati ndaj 40-vjeçarit ndodhi rreth orës 18:16 në lagjen “29 Nëntori”, pranë bibliotekës së qytetit. Qarri u qëllua me armë zjarri nga një automjet në lëvizje. Ai mbeti fillimisht i plagosur dhe u transportua drejt spitalit, por ndërroi jetë si pasojë e plagëve të marra. Në vendngjarje u gjetën të paktën 11 gëzhoja, ndërsa viktima kishte marrë plagë në kraharor dhe në këmbë.

Pas ngjarjes, autoritetet zbuluan një automjet tip "Toyota" me targa greke të djegur në zonën e Pyllit të Sodës, që dyshohej se ishte përdorur nga autorët. Brenda automjetit u gjet edhe një armë automatike kallashnikov.

Gentian Qarri kishte qenë më herët i dënuar në Itali me 15 vite burg për trafik droge. Ai ishte kthyer në Shqipëri rreth tri vite para se të vritej dhe, sipas raportimeve, punonte në fushën e montimit dhe riparimit të kondicionerëve.

Burime paraprake bëjnë me dije se mes personave të dyshuar për përfshirje në këtë krim janë edhe disa emra të njohur të botës së krimit, si Flodian Plaku, i njohur me nofkën “Pole Qorri”, si dhe Ervis Matodoshaj dhe Ines Hajrulla.

Plaku konsiderohet si një nga figurat kryesore të trafikut të drogës nga Vlora drejt Italisë. Ai u arrestua në Orikum më 3 gusht të vitit të kaluar, i dyshuar edhe si një nga tre atentatorët e Gentjan Bejtjes, i cili u ekzekutua në mars të vitit 2024 në Larushk të Fushë-Krujës.

Ndërkohë, pritet që SPAK-u të dalë me një njoftim zyrtar për detajet e operacionit dhe rezultatet e tij.





Lajmet e fundit nga