web counter
LEXO PA REKLAMA!

SHKARKO APP

App Store
Google Play

E fundit!

x

Armë pa leje në banesë/ Vihet në pranga 30-vjeçari, shpallet në kërkim babai

31 Maj 2025, 09:58, Kronika CNA

Armë pa leje në banesë/ Vihet në pranga 30-vjeçari,

Është finalizuar operacioni “Double” në kuadër të të cilit ka rënë në pranga një 30-vjeçar dhe është shpallur në kërkim babai i tij.

Blutë e Durrësit pas kontrolleve të ushtruara në banesën e Sh. S., 54 vjeç dhe S. S., 30 vjeç, gjetën 2 armë zjarri, 4 karikatorë dhe 157 fishekë luftarakë, të cilët u sekuestruan në cilësinë e provës materiale.

S. S. u arrestua në flagrancë, ndërsa 54-vjeçari u shpall në kërkim.

 

Njoftimi i policisë

Shijak/Finalizohet operacioni policor i koduar “Double".

Mbanin në banesën e tyre në Maminas, 1 kallashnikov dhe 1 pistoletë, arrestohet 30-vjeçari dhe shpallet në kërkim babai i tij.

Sekuestrohen 2 armët e zjarrit, 4 karikatorë dhe 157 fishekë luftarak.

Si rezultat i kontrolleve të kryera me mbështetjen e inteligjencës policore, me objektiv ndalimin e shtetasve që posedojnë armë zjarri pa leje dhe janë rrezik potencial për sigurinë publike, shërbimet e Komisariatit të Policisë Shijak finalizuan operacionin “Double”.

Gjatë operacionit u arrestua në flagrancë shtetasi S. S., 30 vjeç dhe u shpall në kërkim babai i tij, shtetasi Sh. S., 54 vjeç.

Nga kontrollet në banesën e tyre në Maminas, u gjetën 2 armë zjarri (kallashnikov dhe pistoletë), 4 karikatorë dhe 157 fishekë luftarak.

Punohet për kapjen e 54-vjeçarit.

Materialet procedurale iu referuan Prokurorisë së Durrësit, për veprime të mëtejshme./ CNA

 





Lajmet e fundit nga