web counter
LEXO PA REKLAMA!

SHKARKO APP

App Store
Google Play

E fundit!

x

“Vetëm Suel Çela bën këto masakra”/ Erion Alibej rrëfen detaje tronditëse nga atentati ndaj familjes së tij

29 Maj 2025, 15:51, Kronika CNA

“Vetëm Suel Çela bën këto masakra”/ Erion

Erion Alibej ka dhënë dëshminë e tij me detaje tronditëse nga atentati ndaj familjes së tij, në dhjetor të vitit 2018 në Bradashesh.

Ai tregon se çfarë ndodhi ditën e vrasjes së vëllait të tij. 

“Shtetasi turk ka qenë edhe më herët në Shqipëri. Kur vajza ime mbushi 1 vjeç, ai ishte mik i ngushtë i yni për shkak të marrëdhënieve të punës me Endritin. Mbrëmjen e masakrës, Endriti ishte në Tiranë me disa miq, pastaj u nis për në Peqin, tek dajat e mi, ku ishin mbledhur.

Teksa po çoja disa dhurata për fundvit te një mik yni, noter, ra telefoni i Besmir Lalës. E dëgjova që ishte nusja ime në telefon, sepse unë vetë nuk mbaja telefon me vete, isha në kërkim. I thashë: “Çfarë ka ndodhur?”

Ndërkohë aty erdhi një BMË X6 e bardhë, që e dija se ishte e Mikael Qosjes, një makinë që ia kishte dhuruar Franc Çopja. E di që e kanë përdorur për trafik kokaine. Besmiri më tha: Shpejto, se i kanë gjuajtur Endritit! Mikaeli ishte bashkë me Ervis Çopjen në makinë. Mu afrua dhe e pyeta: “A ke ‘heker’ për armë?” Më tha: “Jo, pse, çfarë ka ndodhur?” Mbylla xhamin dhe ika menjëherë drejt vendngjarjes.

Nusja e vëllait tim, shtetasja rumune, ishte në muajin e fundit të shtatzënisë. Ishte një moment i gëzueshëm për familjen tonë. U nisën me dy makina, gratë veç, ndërsa Endriti, shtetasi turk dhe xhaxhai im ishin në një tjetër makinë.

Unë isha i pari që arrita në vendngjarje. Nuk kishte asnjë person, as polici. E çuditshme, sepse aty zakonisht qëndron gjithmonë një patrullë policie. Edhe sot po të kalosh aty, është një patrullë.

Kur mbërrita, gjeta nënën, tezen, motrën dhe fëmijët që bërtisnin e ulërinin. Ishte një skenë që nuk mund ta përshkruaj dot me fjalë. Kapa Endritin në krahë, mu duk sikur ishte ende i ngrohtë, por kishte shumë plumba në një anë të trupit. Erdhi një furgon policie dhe ambulanca, por ndërroi jetë në spital.

Sapo u ktheva në shtëpi, nisën të vinin shumë njerëz – miq, shokë. Shumë shpejt erdhën edhe njerëz të familjes Çapja, Florenci dhe disa të tjerë. Dola mënjanë dhe i dëgjova vetëm Bledar Muçen dhe Florenc Çapjan. Bledari më tha:

“I pata thënë Endritit të bënte kujdes, por s’më dëgjoi.”

E pyeta: “Nga kush?”

M’u përgjigj: “Vetëm Suel Çela bën këto masakra”, ka rrëfyer Erion Alibej./ CNA





Lajmet e fundit nga