web counter
LEXO PA REKLAMA!

SHKARKO APP

App Store
Google Play

E fundit!

x

3 aksidente në Rrugën e Kombit/ Përfshihen 15 automjete, 6 të plagosur

2 Janar 2026, 12:12, Kronika CNA


Moti i keq, i shoqëruar me reshje shiu dhe ngrica, ka shkaktuar probleme serioze në Rrugën e Kombit. Për shkak të akullit në rrugë, përgjatë segmentit Milot–Kalimash janë regjistruar tre aksidente rrugore, ku janë përfshirë rreth 15 automjete.

Aksidentet janë shënuar në disa pika të këtij aksi, ku për shkak të humbjes së kontrollit nga drejtuesit e mjeteve, janë përplasur disa automjete njëkohësisht. Mes mjeteve të përfshira në aksidente ka qenë edhe një mikrobus me pasagjerë, si dhe një autoambulancë e koncesionarit të rrugës.

Si pasojë e aksidenteve, gjashtë persona kanë mbetur të lënduar. Ata janë transportuar drejt spitalit të Rrëshenit, ku kanë marrë ndihmën mjekësore të nevojshme dhe ndodhen jashtë rrezikut për jetën.

Ndërkohë, Njësia e Autostradave po monitoron situatën dhe lëvizjen e automjeteve, duke u bërë thirrje drejtuesve të mjeteve të pajisen me goma dimërore. Firmat mirëmbajtëse janë angazhuar në terren për hedhjen e kripës, me qëllim përmirësimin e kushteve të qarkullimit dhe parandalimin e aksidenteve të tjera.

Megjithëse ulja e temperaturave ishte paralajmëruar, ndërhyrja për hedhjen e kripës nuk është kryer në kohë, ndërsa shumë drejtues mjetesh janë gjetur të papërgatitur për kushtet e vështira atmosferike, çka ka ndikuar drejtpërdrejt në rritjen e riskut në këtë aks rrugor./CNA





Lajmet e fundit nga