web counter
LEXO PA REKLAMA!

SHKARKO APP

App Store
Google Play

E fundit!

x

Zbulohet foleja e prostitucionit në Tiranë/ Arrestohen tri shtetase të huaja, procedohen 6 persona të tjerë

31 Dhjetor 2025, 10:49, Kronika CNA

Zbulohet foleja e prostitucionit në Tiranë/ Arrestohen tri shtetase

Një apartament i marrë me qira, ku ushtrohej prostitucion, është zbuluar në bulevardin “Zogu i parë” në Tiranë.

Pas finalizimit të operacionit janë arrestuar tri shtetase të huaja. Gjithashtu janë proceduar penalisht 6 persona që dyshohet se kanë përfituar nga kjo veprimtari kriminale.

Policia ka sekuestruar një shumë parash, që dyshohet se është përfituar nga prostitucioni, si dhe 4 celularë.

Njoftimi i policisë:

Tiranë/Finalizohet operacioni policor i koduar “Rental house”.

Në një apartament të marrë me qira, në bulevardin “Zogu i parë”, ushtronin prostitucion, vihen në pranga 3 shtetase të huaja.

Procedohen penalisht 6 shtetas që dyshohet se kanë përfituar nga kjo veprimtari kriminale.

Sekuestrohet një shumë parash, e dyshuar e përfituar nga prostitucioni, si dhe 4 celularë.

Specialistët për Hetimin e Krimeve të Komisariatit të Policisë Nr. 3,  në vijim të punës operative, për goditjen e rasteve të përshtatjes së apartamenteve të marra me qira, për ushtrim të prostitucionit, finalizuan operacionin policor “Rental house”.

Në kuadër të operacionit u arrestuan shtetaset kineze T. L. dhe Y. J., si dhe shtetasja tajlandeze B. S.. Gjithashtu, u referuan materialet në Prokurori ku nisi procedimi penal për 6 shtetas.

3 të arrestuarat dyshohet se kishin marrë me qira një apartament në bulevardin “Zogu i parë”, ku ushtronin prostitucion, veprimtari prej së cilës dyshohet se kanë përfituar 6 të proceduarit.

Në drejtimin e Prokurorisë, vijon puna për identifikimin dhe nxjerrjen përpara përgjegjësisë penale, të shtetasve të tjerë që mund të jenë të përfshirë në këtë rast.

Materialet procedurale iu referuan Prokurorisë së Tiranës, për veprime të mëtejshme. /CNA





Lajmet e fundit nga