E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

Në kërkim ndërkombëtar për disa vepra penale/ Vihet në pranga 60-vjeçari

30 Dhjetor 2025, 09:02, Kronika CNA

Në kërkim ndërkombëtar për disa vepra penale/ Vihet

Në vijim të operacionit “The Wanted” ka rënë në pranga një 60-vjeçar i shpallur në kërkim ndërkombëtar.

Në pranga ka rënë H. M., i shpallur në kërkim ndërkombëtar për falsifikim dokumentesh, shkatërrim prone dhe pastrim parash.

Ndaj këtij shtetasi Gjykata e Vlorës ka caktuar në qershor të vitit 2022 masën e sigurisë “Arrest në burg”.

60-vjeçari akuzohet se nëpërmjet falsifikimit ka përvetësuar apartamentin e shtetasit J. M. dhe më pas e ka prishur apartamentin për të ndërtuar një objekt tjetër.

H. M. është arrestuar në Gjermani me qëllim ekstradimin drejt Shqipërisë.

Njoftimi i policisë

Vijon operacioni i koduar “The Wanted”, për kapjen dhe ekstradimin e shtetasve të shpallur në kërkim ndërkombëtar.

Finalizohet faza e radhës, kapet në Gjermani dhe arrestohet me qëllim ekstradimin në Shqipëri, 1 shtetas në kërkim ndërkombëtar.

Ai akuzohet se ka përvetësuar një apartament në Vlorë, nëpërmjet falsifikimit të dokumenteve, më pas e ka prishur dhe ka ndërtuar një objekt tjetër.

Si rezultat i bashkëpunimit të Interpol Tiranës me homologët në Gjermani, në kuadër të operacionit “The Wanted”, u lokalizua në Gjermani, u kap dhe u arrestua me qëllim ekstradimin në Shqipëri, shtetasi në kërkim ndërkombëtar:

H. M., 60 vjeç.

Gjykata e Shkallës së Parë e Juridiksionit të Përgjithshëm Vlorë, me vendimin e datës 19.06.2022, i ka caktuar këtij shtetasi, masën e sigurisë "Arrest në burg", për veprat penale "Falsifikimi i dokumenteve”, “Shkatërrimi i pronës” dhe “Pastrimi i produkteve të veprës penale apo veprimtarise kriminale".

Shtetasi H. M. akuzohet se nëpërmjet falsifikimit të lejes së ndërtimit, ka përvetësuar apartamentin e shtetasit J. M. Më pas, e ka prishur atë dhe ka ndërtuar një objekt tjetër me përmasa të mëdha.

Interpol Tirana, në bashkëpunim me autoritetet gjermane, do të kryejë procedurat për ekstradimin e shtetasit H. M., në Shqipëri.