web counter
LEXO PA REKLAMA!

SHKARKO APP

App Store
Google Play

E fundit!

x

Në kërkim për kultivim narkotikësh/ Arrestohet 57-vjeçari në Malësinë e Madhe

28 Dhjetor 2025, 13:05, Kronika CNA

Në kërkim për kultivim narkotikësh/ Arrestohet

Një 57-vjeçar i shpallur në kërkim për kultivim narkotikësh është arrestuar në Bajzë të Malësisë së Madhe.

Në pranga është vënë shtetasi A.M., dyshuar si bashkëpunëtor për kultivimin e 780 bimëve narkotike, të cilat u gjetën dhe sekuestruan nga policia në shtator të këtij viti.

Ndaj 57-vjeçarit ishte caktuar masa e sigurisë “Arrest në burg”, për veprat penale “Kultivimi i bimëve narkotike” dhe “Prodhimi dhe shitja e narkotikëve”.

Njoftimi i policisë:

Malësi e Madhe / Vijojnë kontrollet për kapjen e shtetasve të shpallur në kërkim.

I dyshuar si bashkëpunëtor për kultivimin e 780 bimëve narkotike, në Bajzë, kapet dhe vihet në pranga 57-vjeçari.

Si rezultat i kontrolleve të vazhdueshme për lokalizimin dhe kapjen e shtetasve në kërkim, bazuar edhe në informacionet e siguruara në rrugë operative, specialistët për Hetimin e Krimeve të Komisariatit të Policisë Malësi e Madhe kanë kapur dhe ndaluar shtetasin:

A. M., 57 vjeç, banues në Bajzë.

Ky shtetas ishte shpallur në kërkim pasi Gjykata e Juridiksionit të Përgjithshëm i kishte caktuar masën e sigurisë “Arrest në burg”, për veprat penale “Kultivimi i bimëve narkotike” dhe “Prodhimi dhe shitja e narkotikëve”.

Ai dyshohet si bashkëpunëtor për kultivimin e 780 bimëve narkotike kanabis, në Bajzë, të cilat janë gjetur dhe asgjësuar nga shërbimet e Policisë, më datë 18.09.2025.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme. /CNA





Lajmet e fundit nga