web counter
LEXO PA REKLAMA!

SHKARKO APP

App Store
Google Play

Drogë nga SHBA-ja dhe Tajlanda, në Shqipëri/ Goditen 2 grupe kriminale

19 Dhjetor 2024, 11:42, Kronika CNA

Drogë nga SHBA-ja dhe Tajlanda, në Shqipëri/ Goditen 2 grupe

Policia ka goditur 2 grupe kriminale që trafikonin lëndë narkotike cannabis sativa nga SHBA-ja dhe nga Tajlanda, në Shqipëri, nëpërmjet shërbimit postar.

Në pranga janë vënë 3 shtetas, ndërsa janë shpallur në kërkim 3 të tjerë, pjesëtarë të këtyre 2 grupeve. 

Për trafikun nga Shtetet e Bashkuara të Amerikës në Shqipëri janë arrestuar në flagrancë shtetasi E. H., 34 vjeç, banues në Elbasan, dhe u shpall në kërkim shtetasi E. D., 24 vjeç.

Në cilësinë e provës materiale u sekuestruan 2.3 kg cannabis sativa me përqindje të lartë TCH, e parashikuar për t’u shitur në Elbasan, me vlerën 45 000 euro, 170 gramë lëndë e dyshuar narkotike kokainë që u gjet në banesën e shtetasit E. D., shuma parash, celularë dhe automjete të përdorura për këtë veprimtari kriminale.

Nga ana tjetër, për trafikun nga Tajlanda në Shqipëri janë arrestuar në flagrancë shtetasit B. L., 19 vjeç dhe një shtetas 17 vjeç, të dy banues në Tiranë, si dhe u shpallën në kërkim shtetasit B. L., 18 vjeç dhe E. L., 18 vjeç.

Në cilësinë e provës materiale u sekuestruan 1.7 kg cannabis sativa me përqindje të lartë TCH, e parashikuar për t’u shitur në Tiranë, me vlerën 23 000 euro, shuma parash, celularë dhe automjete të përdorura për këtë veprimtari kriminale. / CNA





Lajmet e fundit nga