web counter
LEXO PA REKLAMA!

SHKARKO APP

App Store
Google Play

Zjarr në një fabrikë veshjesh në Bangladesh/ 16 persona humbin jetën

15 Tetor 2025, 07:50, Kosova & Bota CNA

Zjarr në një fabrikë veshjesh në Bangladesh/ 16 persona

Të paktën 16 persona kanë humbur jetën pasi një zjarr i madh shpërtheu në një fabrikë veshjesh në Bangladesh. Ndërkohë zyrtarët paralajmërojnë se numri i viktimave mund të rritet.

Zjarri, i cili shpërtheu në fabrikë rreth mesditës, u shua pas tri orësh. Drejtori i shërbimit të zjarrfikësve, Mohammad Tajul Islam Chowdhury, tha për mediat vendase se viktimat mund të kenë humbur jetën nga thithja e gazit shumë toksik.

Zjarret e mëdha janë të zakonshme në Bangladeshin me popullsi të dendur, shpesh për shkak të standardeve të dobëta të sigurisë dhe infrastrukturës së dobët. Qindra njerëz kanë humbur jetën nga zjarret vitet e fundit.

Në vitin 2021, një zjarr në një fabrikë ushqimesh dhe pijesh la të paktën 52 të vdekur dhe 20 të tjerë të plagosur. Një hetim më vonë zbuloi se fabrika ishte ndërtuar ilegalisht dhe nuk kishte dalje emergjence. Në vitin 2019, një zjarr që përshkoi me shpejtësi një lagje historike në Daka, duke vrarë të paktën 78 persona.

Aksidenti më vdekjeprurës industrial në vend deri më sot, ndodhi në vitin 2013, kur një ndërtesë tregtare tetëkatëshe u shemb për shkak të një defekti strukturor, duke vrarë më shumë se 1,100 njerëz. /CNA

 





Lajmet e fundit nga