web counter
LEXO PA REKLAMA!

SHKARKO APP

App Store
Google Play

E fundit!

x

"Po kthehet në shtëpi duke çaluar"/ Rutte tallet me nëndetësen ruse, reagon Kremlini

14 Tetor 2025, 08:26, Kosova & Bota CNA

"Po kthehet në shtëpi duke çaluar"/ Rutte tallet me

Sekretari i Përgjithshëm i NATO-s, Mark Rutte, në një dalje në Slloveni, është tallur me Rusinë për mosfunksionimin e një nëndetëseje, e cila doli në sipërfaqe pranë brigjeve të Francës disa ditë më parë. Rutte u shpreh se nëndetësja ruse po kthehej në shtëpi duke “çaluar”.

"Tani, në fakt, mezi ka mbetur ndonjë prani detare ruse në Mesdhe", tha Rutte. "Ka një nëndetëse ruse të vetmuar dhe të shkatërruar që po kthehet në shtëpi duke çaluar nga patrulla."

"Çfarë ndryshimi nga romani i vitit 1984 i Tom Clancy-t, "Gjuetia për Tetorin e Kuq". Sot, duket më shumë si gjuetia e mekanikut më të afërt", shtoi ai.

Ditën e djeshme, flota ruse e Detit të Zi mohoi raportet për një dalje emergjente në sipërfaqe, duke pretenduar se nëndetësja po kryente thjesht një tranzit të planifikuar pas përfundimit të operacioneve në Mesdhe.

Novorossiysk, një nëndetëse dizel-elektrike e pajisur me raketa lundrimi me rreze të gjatë veprimi Kalibr, hyri në shërbim në vitin 2014, si pjesë e flotës së Detit të Zi të Rusisë. Sipas raportimeve të mediave holandeze, nëndetësja pësoi një rrjedhje karburanti, që e detyroi të dilte në sipërfaqe pranë Francës. Duke mos pasur mundësi për t'u ankoruar në portet e Detit të Zi ose të Sirisë, ajo u ridrejtua drejt ujërave veriore për riparime nën mbikëqyrjen e NATO-s. /CNA





Lajmet e fundit nga