web counter
LEXO PA REKLAMA!

SHKARKO APP

App Store
Google Play

Hyjnë në fuqi tarifat portuale/ Rikthehen tensionet tregtare SHBA-Kinë

14 Tetor 2025, 07:43, Kosova & Bota CNA

Hyjnë në fuqi tarifat portuale/ Rikthehen tensionet tregtare

Tarifat e reja për anijet amerikane që mbërrijnë në portet kineze hyjnë në fuqi ditën e sotme, ndërsa tensionet tregtare midis Uashingtonit dhe Pekinit rriten.

Këto tarifa, të cilat sipas Kinës synojnë të mbrojnë industrinë e saj të transportit detar nga masat diskriminuese, zbatohen për anijet në pronësi, të operuara, të ndërtuara ose me flamur të SHBA-së, por jo për anijet e ndërtuara nga Kina.

Gjithashtu tarifat vijnë si shenjë hakmarrjeje, pasi SHBA-të do të fillojnë të vendosin tarifa për anijet kineze që mbërrijnë në portet e tyre nga sot. Pekini njoftoi taksat javën e kaluar, së bashku me masat për të shtrënguar kontrollet mbi eksportet e metaleve të rralla.

Presidenti i SHBA-së, Donald Trump, u përgjigj me një kërcënim për një tarifë shtesë prej 100% ndaj Kinës. Ndërkohë po të martën, hynë në fuqi tarifat e reja të SHBA-së për drurin e importuar, dollapët e kuzhinës dhe mobiljet e veshura me tapiceri, shumica e të cilave vijnë nga Kina.

Sekretari i Thesarit i SHBA-së, Scott Bessent, tha të hënën se Trump dhe Presidenti i Kinës, Xi Jinping, pritet të takohen në Korenë e Jugut në fund të tetorit, ndërsa përpiqen të ulin tensionet tregtare midis dy ekonomive më të mëdha në botë. /CNA





Lajmet e fundit nga