web counter
LEXO PA REKLAMA!

SHKARKO APP

App Store
Google Play

NATO i akordon çmimin e veçantë/ Osmani: Ua dedikoj grave të Kosovës, paqja u ndërtua mbi guximin e tyre

13 Tetor 2025, 17:32, Kosova & Bota CNA

NATO i akordon çmimin e veçantë/ Osmani: Ua dedikoj grave

Asambleja Parlamentare e NATO-s i ka akorduar Presidentes së Kosovës Vjosa Osmani çmimin “Për Gratë, Paqen dhe Sigurinë”.

Përmes një postimi në rrjetet sociale Osmani shprehet se çmimin e jashtëzakonshëm ua dedikon grave të Kosovës që nuk u dorëzuan kurrë deri në arritjen e lirisë dhe nënave të zhdukurve nga lufta në Kosovë.

 

"Nder i veçantë që sot, ta pranoj Çmimin e Asamblesë Parlamentare të NATO-s për Gratë, Paqen dhe Sigurinë.

Këtë vlerësim të jashtëzakonshëm ia dedikoj popullit të Kosovës, e në veçanti grave të Kosovës, të cilat me guxim, dinjitet e përkushtim ndihmuan arritjen e lirisë dhe ndërtimin e paqes. Është çmim për të gjitha gratë që nuk u dorëzuan kurrë, për ato që iu prinë protestave, luftës e ndërtimit të institucioneve, për kampionet e të drejtave të njeriut, për nënat që ende presin më të dashurit e tyre të zhdukur dhunshëm gjatë luftës, për të mbijetuarat të cilat kurrë nuk rreshtën së punuari për kauzën e drejtësisë, si dhe për vajzat e reja që sot udhëheqin çdo fushë me besim e vizion.

Paqja jonë është ndërtuar mbi sakrificën dhe guximin e tyre, ndërsa demokracia jonë është forcuar falë angazhimit të pashoq të grave që qëndruan të palëkundura në çdo hap të rrugëtimit tonë drejt lirisë e barazisë," shkruan Osmani./CNA





Lajmet e fundit nga