web counter
LEXO PA REKLAMA!

SHKARKO APP

App Store
Google Play

E fundit!

x

"Fillimi i një Lindjeje të re"/ Trump: Sirenat kanë pushuar dhe toka e Izraelit është në paqe

13 Tetor 2025, 13:26, Kosova & Bota CNA

"Fillimi i një Lindjeje të re"/ Trump: Sirenat kanë

Presidenti i Shteteve të Bashkuara të Amerikës, Donald Trump, ka mbajtur fjalën e tij në Parlamentin izraelit pas lirimit të 20 pengjeve të mbajtura nga Hamasi.

Trump deklaroi se toka e Izraelit dhe e gjithë rajonit tashmë është në paqe.

Ky, tha Trump, nuk është vetëm fundi i luftës, por dhe fundi i një epoke terrori. Presidenti amerikan u ka shprehur mirënjohjen vendeve arabe që u bënë pjesë e arritjes së paqes.

Këtë moment, u shpreh Trump, brezat e ardhshëm do ta kujtojnë si momentin ku gjithçka filloi të ndryshonte për mirë.

Gjithashtu presidenti Trump nuk la pa falënderuar dhe negociatorin Witkoff, për të cilin tha se ka aftësi të shkëlqyera negocimi.

“Sirenat kanë pushuar dhe toka e Izraelit e rajonit është në paqe. Ky nuk është vetëm fundi i luftës, por fundi i një epoke terrori. Fillimi i një epoke shprese, të mirës për Izraelin dhe të gjitha kombet. Do të jetë një rajon i jashtëzakonshëm. Do të jetë fillimi i një Lindjeje të re. Janë bërë shumë përpjekje për të arritur në këtë moment.

Nuk ka qenë e lehtë, por kjo e bën momentin të madh. Duhet të shpreh mirënjohjen e vendeve arabe. Kemi pasur një ndihmë të madhe, duhet t’i falënderoj. Brezat nga sot do ta kujtojnë si momentin ku gjithçka filloi të ndryshonte për mirë. Një ekopë e artë e Izraelit dhe Lindjes së Mesme, që do të fillojnë të punojnë së bashku. Dua të falënderoj mikun tim Wittkof, u zgjodh nga unë pasi kishte aftësi të jashtëzakonshme negocimi”, tha Trump.





Lajmet e fundit nga