web counter
LEXO PA REKLAMA!

SHKARKO APP

App Store
Google Play

Zgjedhjet në RMV/ Azizi: Ky rezultat certifikon legjitimitetin e VLEN për të qeverisur

20 Tetor 2025, 09:51, Kosova & Bota CNA

Zgjedhjet në RMV/ Azizi: Ky rezultat certifikon legjitimitetin e VLEN

Drejtuesi i Shtabit Zgjedhor të VLEN, Adnan Azizi, në një konferencë për mediat deklaroi se procesi zgjedhor u zhvillua në atmosferë demokratike. Ai tha se VLEN ka epërsi dhe ka fituar në Çair, Saraj, Haraçinë, Tetovë, Tearcë, Zhelinë, Bogovinë, në Bervenicë, Dibër, ndërsa presin epërsi edhe në pjesën tjetër të komunave ku numërimi i votave është në proces.

“Të nderuar qytetarë, në këto zgjedhje shqiptarët i dhanë një goditje gjithë atij manipulimi shumëvjeçar të presionit të BDI-së dhe ne nga sot shqiptarët i çliruam edhe nga pushteti lokal që kishte BDI deri më tani. Po ashtu, duke iu bashkëngjitur pushtetit qendror”, tha Azizi.

Ai theksoi se me këtë rezultat konfirmohet legjitimiteti i koalicionit VLEN në qeveri.

“Ky rezultat certifikon legjitimitetin e VLEN për të qeverisur në nivel qendror edhe tri vite dhe për të menaxhuar me komunat që i ka fituar në zonën 6, 2 dhe 1 dhe janë në proces edhe komunat në zonën 5”, deklaroi Azizi./CNA





Lajmet e fundit nga