web counter
LEXO PA REKLAMA!

SHKARKO APP

App Store
Google Play

E fundit!

x

Aeroplani i mallrave në Hong Kong bie në det/ Dy persona humbin jetën

20 Tetor 2025, 07:47, Kosova & Bota CNA

Aeroplani i mallrave në Hong Kong bie në det/ Dy persona humbin

Një aeroplan mallrash në Aeroportin Ndërkombëtar të Hong Kongut ra në det duke shkaktuar humbjen e jetës së dy anëtarëve të stafit.

Fluturimi EK9788 i Emirates po mbërrinte nga Dubai rreth orës 03:50 sipas orës lokale (19:50 GMT) kur doli nga pista dhe u përplas me një automjet patrullimi të aeroportit.

Dy personat brenda automjetit ndërruan jetë, ndërsa katër anëtarët e ekuipazhit në bord të aeroplanit mbijetuan nga rrëzimi.

Ky shënon një nga incidentet më vdekjeprurëse të aviacionit në Hong Kong ndër vite, aeroporti ndërkombëtar i qytetit ka pasur një rekord të mirë sigurie.

Autoritetet kanë nisur një hetim, ndërsa mbeten pikëpyetje në lidhje me rrugën që ndoqi avioni pas uljes. Zyrtarët e aeroportit kanë thënë se i kanë dhënë udhëzimet e sakta aeroplanit dhe se ka shenja në pistë për të udhëzuar aeroplanët.

Drejtori ekzekutiv i operacioneve të aeroportit, Steven Yiu, tha se makina e patrullës, në atë kohë, po udhëtonte në një rrugë jashtë rrethimit të pistës "në një distancë të sigurt nga pista". Aeroplani më pas u largua nga pista, u përplas me gardhin dhe më pas edhe me automjetin, duke e shtyrë atë në det, shpjegoi Yiu.

“Normalisht, aeroplani nuk duhet të kthehet nga deti”, tha ai në një konferencë për shtyp disa orë pas incidentit, duke shtuar se aeroplani nuk dërgoi sinjal rreziku kur po ulej.

Zhytësit arritën të gjenin trupat e personave që ndodheshin në mjetin e patrullës në det.

Në një deklaratë për "BBC"-në, një zëdhënës tha se aeroplani “pësoi dëmtime gjatë uljes në Hong Kong. Ekuipazhi është konfirmuar të jetë i sigurt dhe nuk kishte ngarkesë në bord”.

Katër anëtarët e ekuipazhit në bord të aeroplanit kishin hapur dyert e emergjencës së avionit menjëherë pas rrëzimit. Ata u pikasën nga stafi i shërbimit zjarrfikës që mbërriti në vendngjarje brenda dy minutash dhe u shpëtuan./CNA, përkthyer nga "BBC"





Lajmet e fundit nga