web counter
LEXO PA REKLAMA!

SHKARKO APP

App Store
Google Play

Zgjedhjet në Kosovë/ Rezultati do të shpallet brenda datës 5 mars

25 Shkurt 2025, 13:10, Kosova & Bota CNA

Zgjedhjet në Kosovë/ Rezultati do të shpallet brenda datës 5

Komisioni Qendror i Zgjedhjeve në Kosovë ka njoftuar se rezultati për zgjedhjet e 9 shkurtit në Kosovë do të shpallet brenda datës 5 mars.

Të mërkurën, KQZ njoftoi se do të fillojë numërimi i votave të ardhura nga përfaqësitë diplomatike, ku procesi zgjedhor u zhvillua fizikisht nga diaspora më 8 shkurt 2025.

Zëdhënësi i KQZ-së, Valmir Elezi, bëri të ditur se bëhet fjalë për më shumë se 15 mijë fletëvotime nga ky proces.

Gjatë konferencës për media në Qendrën e Numërimit dhe Rezultateve, Elezi tha se skanimi i listës së votuesve të vendvotimeve të rregullta është i domosdoshëm para nisjes së numërimit të votave me kusht.

“Skanimi na ndihmon të sigurohemi që askush nuk ka votuar dy herë, si në vendvotimin e rregullt ashtu edhe në atë me kusht. Pasi të përfundojë ky proces, do të mund të fillojë numërimi i votave me kusht, votave të personave me nevoja të veçanta dhe atyre nga votimi jashtë Kosovës”,-deklaroi Elezi.

Elezi tha se po punohet që rezultatet përfundimtare të shpallen sa më shpejt, edhe para afatit të planifikuar.

“Në zgjedhjet e kaluara, KQZ-së i janë dashur rreth 18 ditë nga dita e zgjedhjeve për të shpallur rezultatet përfundimtare. Për këtë proces zgjedhor, shpallja është planifikuar të bëhet më së largu deri më 5 mars 2025, ndërsa certifikimi deri më 18 mars”.-tha Elezi.

Lidhur me votimin nga jashtë Kosovës, Elezi bëri të ditur se nga rreth 69 mijë pako me fletëvotime të pranuara, janë aprovuar rreth 63 mijë, ndërsa rreth 4,900 janë refuzuar.

Sipas të dhënave të KQZ-së, nga 104,924 shtetas të regjistruar për të votuar nga jashtë, 84,600 kishin zgjedhur të votonin përmes postës dhe 20,324 në përfaqësitë diplomatike.

Në përfaqësitë diplomatike kanë votuar 15,352 qytetarë, ndërsa përmes postës janë pranuar rreth 69 mijë pako me fletëvotime./CNA 





Lajmet e fundit nga