web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet në Kosovë/ Partitë politike zhvillojnë sot takimet përmbyllëse të fushatës elektorale

27 Dhjetor 2025, 12:30, Kosova & Bota CNA

Zgjedhjet në Kosovë/ Partitë politike zhvillojnë sot takimet

Kosova do të mbajë nesër zgjedhjet e parakohshme. Ndërsa sot ka nisur procesi i votimi në përfaqësitë diplomatike, në territorin e Kosovës qendrat e votimit do të hapen nesër në orën 07:00 dhe do të mbyllen në orën 19:00.

Partitë politike që garojnë në këto zgjedhje do të shënojnë sot mbylljen e fushatës elektorale. Lidhja Demokratike e Kosovës (LDK), ishte partia e parë që përfundoi fushatën. Tubimin përmbyllës e mbajti mbrëmjen e djeshme.

Aleanca për Ardhmërinë e Kosovës (AAK), do të mbajë takimin e fundit për fushatën elektorale në orën 14:00, në një nga hotelet e Prishtinës.

Partia Demokratike e Kosovës (PDK) do të mbyllë fushatën e saj në orën 17:30. E fundit që shënon përfundimin e fushatës zgjedhore është Lëvizja Vetëvendosje (LVV)

Sipas Ligjit të ri për zgjedhjet, subjektet politike kanë të drejtë të zhvillojnë fushatë elektorale deri në nisjen e procesit të votimit, i cili fillon nesër në orën 07:00.

2,076,290 persona me të drejtë vote janë regjistruar për zgjedhje, ndërsa brenda territorit të Kosovës, do të jenë 948 qendra votimi me 2,614 vendvotime. Për këto zgjedhje janë certifikuar gjithsej 22 subjekte politike, ku përfshihen 18 parti, 3 koalicione parazgjedhore, 2 iniciativa qytetare dhe një kandidat të pavarur. Komisioni gjithashtu ka akredituar rreth 860 vëzhgues vendorë dhe ndërkombëtarë për të monitoruar procesin. /CNA





Lajmet e fundit nga