web counter
LEXO PA REKLAMA!

SHKARKO APP

App Store
Google Play

E fundit!

x

Zbardhet aktakuza për ish-Presidentin e SHBA/ Pretendimet e prokurorëve për Donald Trump

4 Prill 2023, 22:56, Kosova & Bota CNA
Zbardhet aktakuza për ish-Presidentin e SHBA/ Pretendimet e
Ish-presidenti i SHBA-ve, Donald Trump

Mediat ndërkombëtare kanë publikuar aktakuzën e ngritur ndaj ish-presidentit të SHBA-ve, Donald Trump, i cili doli sot para Gjykatës së Manhatanit.

Prokurorët pretendojnë se Trump ishte pjesë e një plani të paligjshëm për rrjedhjen e informacionit negativ ndaj tij.

Si rrjedhojë, prokurorët thonë se ish-presidenti ka kryer një pagesë të paligjshme prej 130,000 dollarësh për të blerë heshtjen e ish-aktores së filmave pornografikë, Stormy Daniels, me të cilën ka pasur edhe marrëdhënie intime.

Paratë i janë dhënë Stormy Daniels nga ish-avokati i Trump, Michal Cohen.

CNN raporton se Cohen kishte negociuar me yllin e filmave pornografikë menjëherë pas publikimit të famëkeqes “kaseta Access Hollywood”.

Trump, megjithatë, mendohet se e udhëzoi Cohen që të ndalonte pagesën e Daniels për aq kohë sa të ishte e mundur.

“Ai e udhëzoi (Cohen) që nëse mund ta shtynin pagesën deri pas zgjedhjeve, ata mund ta shmangnin fare, sepse në atë moment nuk do të kishte rëndësi nëse historia do të bëhej publike”, thuhet në aktakuzë.

Nga kompania kjo pagesë është regjistruar si shpenzim ligjor.

Prokurorët thonë se pagesa nuk ishte shpenzim ligjor, dhe e regjistruar si e tillë, përbën falsifikim të llogarive financiare të Organizatës Trump.

Gjithashtu ata pretendojnë se disa transferta vinin drejtpërdrejt nga llogaria bankare e Donald Trump.

Të gjithë personat e përfshirë në këtë skemë, dyshohet se ishin në dijeni që pagesat për të blerë heshtjen e dy grave ishin të paligjshme.

Sipas aktakuzës, arsyeja pse Trump kreu falsifikimin e të dhënave ishte pjesërisht për të "promovuar kandidaturën e tij”.

Por Donald Trump i ka mohuar këto akuza dhe u deklarua i pafajshëm në gjykatë./ CNA.al





Lajmet e fundit nga