LEXO PA REKLAMA!

SHKARKO APP

App Store
Google Play

Ukraina pa energji elektrike/ Scholz: Duhet të përgatitemi për përshkallëzim të situatës

22 Nëntor 2022, 16:29, Kosova & Bota CNA
Ukraina pa energji elektrike/ Scholz: Duhet të përgatitemi për
Kancelari gjerman Olaf Scholz

Gjermania duhet të jetë gati, pasi kriza në Ukrainë do të përshkallëzohet, ka thënë kancelari Olaf Scholz.

Duke folur në një konferencë në Berlin, e cila u organizua nga gazeta Suddeutsche Zeitung, Scholz tha: "Në funksion të zhvillimit të luftës dhe dështimeve të dukshme dhe në rritje të Rusisë, ne duhet të jemi gati për një përshkallëzim".

Kjo mund të përfshijë shkatërrimin e infrastrukturës, shtoi ai.

Scholz tha gjithashtu se udhëtimi i tij i fundit në Kinë ia vlente pasi i lejoi të dy vendet të ndajnë qëndrimin e tyre të përbashkët kundër përdorimit të armëve bërthamore.

Më herët, presidenti ukrainas Volodymyr Zelenskyy u bëri thirrje qytetarëve të tij që të kursejnë energjinë mes sulmeve të pamëshirshme ruse që kanë përgjysmuar kapacitetin e energjisë së vendit.

Autoritetet thanë se miliona ukrainas, përfshirë në kryeqytetin Kiev, mund të përballen me ndërprerje të energjisë të paktën deri në fund të marsit për shkak të sulmeve me raketa.

Synimi i Rusisë ndaj objekteve energjetike të Ukrainës pason një seri pengesash në fushën e betejës që kanë përfshirë tërheqjen nga qyteti jugor Kherson./ CNA.al

Lajmet e fundit nga