web counter
LEXO PA REKLAMA!

SHKARKO APP

App Store
Google Play

E fundit!

x

Trump dhe Erdogan, takim "kokë më kokë"/ “Do të arrijmë marrëveshje të shkëlqyera”

25 Shtator 2025, 18:29, Kosova & Bota CNA

Trump dhe Erdogan, takim "kokë më kokë"/ “Do

Presidenti turk, Recep Tayyip Erdogan ka mbërritur në Shtëpinë e Bardhë për takimin me Presidentin Donald Trump.

Ndërsa Presidenti Erdogan dhe Trump përgatiteshin të hynin në Shtëpinë e Bardhë, një nga gazetarët e pyeti: A do t’i shesë SHBA, Turqisë avionët F-35 që dëshiron?

"Do ta zbulojmë," u përgjigj Trump.

Presidenti Donald Trump u shpreh se do të flasin për tregtinë dhe aeroplanët ushtarakë, ndërsa thekson se marrëdhëniet e SHBA me Turqinë kanë shumë të mira prej kohësh.

Nga ana tjetër Erdogan deklaroi se Trump dhe ai mund t’i çojnë marrëdhëniet Turqi-SHBA në një nivel shumë më të ndryshëm.

Ai shton se të dy udhëheqësit kanë një mundësi për të diskutuar për avionët luftarakë F35 dhe F16 gjatë këtij takimi.

Ndër të tjera Trump ka deklaruar se do të donte të shihte Turqinë , një anëtare e NATO-s , të ndalonte blerjen e naftës nga Rusia, duke thënë se lufta ka kushtuar miliona jetë tashmë.

"Dhe për çfarë? Turp,"- ka deklaruar Trump.

Ai thotë se “është turp” ajo që po bën Rusia dhe se Putini “duhet të ndalet”.

Trump më pas deklaroi se ai dhe Erdogan do të zhvillojnë diskutime dhe do të arrijnë disa marrëveshje të shkëlqyera tregtare për të dy vendet.

I pyetur nga një gazetar nëse Trump do të “anulojë” ato që ai i quajti “vendime budallaqe” të administratës Biden për të mos i shitur raketa Patriot Turqisë, presidenti amerikan përgjigjet: “do ta diskutojmë këtë”.

“Mendoj se ai do të ketë sukses në blerjen e gjërave që do të donte të blinte”, thotë Trump për Erdoganin, duke iu referuar avionëve luftarakë F-35 dhe F-16.

"Ai ka nevojë për gjëra të caktuara dhe unë kam nevojë për gjëra të caktuara", vazhdon presidenti, "dhe ne do të arrijmë në një përfundim"./ CNA





Lajmet e fundit nga